ქართველი მოდელი ფეხზე პოლიეთილენის პარკით - კურიოზი "მერსედეს ბენცის მოდის კვირეულიდან"
თბილისში უკვე მესამე დღეა "მერსედეს ბენცის მოდის კვირეული" მიმდინარეობს. დედაქალაქის ერთ-ერთი ყველაზე მოდური ღონისძიება 2-6 ნოემბერს სხვადასხვა ლოკაციაზე იმართება.
მოდის კვირეულის ფარგლებში იმართება ცნობილი ქართველი და უცხოელი დიზაინერების ჩვენება, მათ შორის არიან: ავთანდილი, დათუნა სულიკაშვილი, გოლა დამიანი, ანუკა ქებურია, ალექსანდრ არუთინოვი, გიორგი ქებურია, ANOUKI, Match&Match და სხვები.
დღეს, 5 ნოემბერს დიზაინერ გიორგი ქებურიას ჩვენება გაიმართა. პოდიუმი სასტუმრო "იოტაში" იყო მოწყობილი. დიზაინერმა რამდენიმე ათეული მოდელი წარმოადგინა. მათ შორის ერთმა მაყურებლის განსაკუთრებული ყურადღება მიიპყრო: ერთ-ერთი მოდელი პოდიუმზე ფეხზე შემოხვეული ყვითელი პოლიეთილენის პარკით გამოვიდა. ჯერჯერობით უცნობია, ეს დიზაინერის ჩანაფიქრი იყო გარემოს ერთ-ერთი მთავარი დამაბინძურებლის - პოლიეთილენის პარკების წინააღმდეგ, თუ უბრალო კურიოზი და მოდელს ძირს დავარდნილი პარკი ფეხზე შემოეხვია.
გიორგი ქებურია თვითნასწავლი დიზაინერია. 27 წლის დიზაინერი არამხოლოდ ქართველ, უცხოელ მოდის მოყვარულებშიც კარგად ცნობილია. მაგალითად, ცოტა ხნის წინ მისი სამოსით პოპ-დივა ლედი გაგა გამოჩნდა. ვარსკვლავმა შეარჩია ასიმეტრიული, შავწინწკლებიანი თეთრი კაბა ქამრით დიზაინერის კოლექციიდან. ლედი გაგა უპირატესობას ავანგარდულ და არასტანდარტულ სამოსს ანიჭებს.
თამარ ბოჭორიშვილი
სალომე ჭაჭუა უცხოეთში მიემგზავრება - რომელი ქვეყნის "ცეკვავენ ვარსკვლავებში" გამოჩნდება მოცეკვავე
"სადაც არ უნდა ყოფილიყო, ყოველთვის სახლში ბრუნდებოდა... თბილისში..." - რას წერს გენიალურ კომპოზიტორზე ხელოვნებათმცოდნე
