მნიშვნელოვანი ინფორმაცია
24
ივლისიდღის ზოგადი ასტროლოგიური პროგნოზი
ხუთშაბათი, მთვარის ოცდამეცხრე დღე დაიწყება 03:53-ზე, მთვარის პირველი დღე დადგება 23:10-ზე, მთვარე ლომს ესტუმრება 19:32-ზე – არაფერი ახალი და მნიშვნელოვანი არ გააკეთოთ, დაასრულეთ ის, რაც ადრე დაიწყეთ. გაუფრთხილდით სახლს და ოჯახს, გაასუფთავეთ და მოაწესრიგეთ თქვენი სახლი. არ არის რეკომენდებული, რომ მოაგვაროთ ფინანსური საქმეები, ხელი მოაწეროთ დოკუმენტებს. არ გირჩევთ ფულის სესხება და გასესხებას, ახალი თანამშრომლების დაქირავებას. მოლაპარაკებების წარმოებას, უარყოფითი ემოციების გამოხატვას. ახალი მთვარის პირველი დღე არ არის ხელსაყრელი ქორწინებისთვის, ქორწილისთვის, თუმცა, დაგეგმვა შეგიძლიათ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ქართული შოუ-ბიზნესის წარმომადგენლები, რომლებიც პოლიტიკაში წავიდნენ
05:16 / 04-11-2017
საქართველოში არაერთი ცნობილი ადამიანი წარმატებულ კარიერას პოლიტიკაში გადანაცვლებით ასრულებს. რამდენად არის ქვეყნისთვის სასიკეთო მათი ეს ნაბიჯი, ეს თავად განსაზღვრეთ. ამჯერად Ambebi.ge იმ ადამიანებს წარმოგიდგენთ, რომლებიც პოლიტიკაში შოუ-ბიზნესიდან წავიდნენ:
დათო ხუჯაძე
პირველი კაშკაშა ვარსკვლავი, რომელიც პოლიტიკაში წავიდა, დათო ხუჯაძე იყო, თუმცა მისი პოლიტიკოსობა რეკორდულად ხანმოკლე აღმოჩნდა. დათო ხუჯაძე 2003 წელს, ასლან აბაშიძის გუნდს შეუერთდა და პარლამენტშიც მოხვდა, მაგრამ სწორედ მაშინ, როდესაც ახლადარჩეული პარლამენტი შეიკრიბა, დარბაზში მიხეილ სააკაშვილი შეიჭრა, ხელში ვარდით და "ვარდების რევოლუციასთან" ერთად დათო ხუჯაძის კარიერაც დასრულდა. ამის შემდეგ დათო ხუჯაძე რუსეთში წავიდა და იქაურ შოუ-ბიზნესში საოცარი კარიერა აიწყო.
ზურა ხაჩიძე
პოლიტიკაში წავიდა წლების წინ მომღერალი ზურა ხაჩიძე, ის სააკაშვილის რეჟიმს არ შეეგუა და რეჟიმთან ბრძოლა ოპოზიციაში წასვლით გადაწყვიტა. ზურა ხაჩიძის და ხათუნა ჟორდანიას ოჯახი სააკაშვილის მმართველობის დროს რეპრესირებული იყო. ზურა ჯერ "ქრისტიან დემოკრატების" წევრი გახლდათ, სააკაშვილის ხელისუფლების შეცვლის შემდეგ, ის "პატრიოტთა ალიანსის" რიგებს შეუერთდა, ბორჯომში კენჭიც იყარა, თუმცა არჩევნები ვერ მოიგო და ისევ შოუ-ბიზნესში დაბრუნდა.
ზაზა ხუციშვილი
"ვაკის პარკის" სოლისტი, ზაზა ხუციშვილი წინა წლის არჩევნებზე "ქართულ ოცნებას" შეუერთდა და დეპუტატი გახდა. ის საკუთარი გამონათქვამების გამო, ამა თუ იმ თემის შეფასებისას, სოციალურ ქსელში განხილვის საბაბი რამდენჯერმე გახდა. ზაზა ხუციშვილი წინა ხელისუფლების დროს უსამართლობას სიმღერით ებრძოდა.
კახა ცისკარიძე
მომღერალი კახა ცისკარიძე პოლიტიკაში რამდენიმე თვის წინ წავიდა. თუმცა რომელ პოლიტიკაში და ვის პარტიაში, დღემდე თავადაც ვერ გაარკვია. ცისკარიძემ ბათუმის მერის პოსტის დაკავება მოისურვა და განაცხადის შეტანის დროს კომიკურ სიტუაციაში ჩავარდა - მას განაცხადის შეტანა დააგვიანდა, თუმცა ბოლოს არჩევნებში მონაწილეობა მაინც მიიღო და რამდენიმე ათეული ხმა დააგროვა. ის ბათუმის მერი ვერ გახდა, აგრძელებს თუ არა პოლიტიკურ საქმიანობას, უცნობია.
გოგა ხაჩიძე
ჯგუფ "სახის" ერთ-ერთი წევრი, გოგა ხაჩიძე სააკაშვილის მმართველობის დროს პოლიტიკაში წავიდა. ხან რეზერვისტობით მიიქცია ყურადღება, ხან მიშასთვის დაწერა სადიდებელი ხოტბა სიმღერები და დეპუტატიც გახდა. პოლიტიკაში წასულ ხაჩიძეს, მისმა მეგობარმა შონზომ იუმორისტული სიმღერაც კი მიუძღვნა. "ქართული ოცნების" ხელისუფლებაში მოსვლის შემდეგ, გოგა ხაჩიძე პოლიტიკიდან წავიდა და როგორც მისი მეგობრები ამბობენ, ელექტრონული მუსიკის შექმნით არის გატაცებული.
თამარ ბოჭორიშვილი
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ამალ კლუნი ჯორჯ კლუნთან ოჯახური ცხოვრების საიდუმლოზე საუბრებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
