მნიშვნელოვანი ინფორმაცია
16
ივლისიდღის ზოგადი ასტროლოგიური პროგნოზი
ოთხშაბათი, მთვარის ოცდამეორე დღე დაიწყება 23:52-ზე, მთვარე ვერძში გადავა 08:31-ზე – გაზარდეთ თქვენი ცოდნის დონე. შეისწავლეთ ახალი. იმუშავეთ მნიშვნელოვან დოკუმენტებთან. ხელი მოაწერე კონტრაქტებს. დაალაგეთ არქივი. დაუთმეთ დღე განათლებას და სწავლას. მოაგვარეთ მარტივი საკითხები და არ მიიღოთ სერიოზული გადაწყვეტილებები. არ არის რეკომენდებული: ახალი და სერიოზული საქმეების დაწყება. ბევრი მუშაობა. ვაჭრობა. სიზარმაცე. იყავით ყურადღებიანი ბარძაყების, ქვედა ხერხემლის მიმართ. არ არის რეკომენდებული მარხვა ან შიმშილი. კარგია ტანსაცმლის გაუთოება და შენახვა; ზამთრისთვის ხილის გაყინვა და კონსერვაცია.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
სომხეთმა სტრატეგიული იარაღისთვის რუსეთისგან 100 მილიონი დოლარი ისესხა - რას გეგმავს სერჟ სარგსიანი?
02:00 / 04-11-2017
ერევანმა მოსკოვისგან სამხედრო შეიარაღებისთვის, 100 მილიონი დოლარის ოდენობის სესხი აიღო. სომხეთის პრეზიდენტის, სერჟ სარგსიანის განცხადებით, ერევანმა სესხის აღების შეთანხმებას ხელი უკვე მოაწერა... მისივე თქმით, ეს არის სტრატეგიული იარაღი და სომხეთისთვის ძალიან დიდი შენაძენია.
რუსული გამოცემა ТАСС-ის ინფორმაციით, სომხეთისთვის განკუთვნილი სესხის აღებისა და გახარჯვის თარიღი წინასწარ არის განსაზღვრული - შეთანხმების შესაბამისად, ერევანმა 100 მილიონი დოლარი 2018-2022 წლებში უნდა აითვისოს.
თუმცა, ეს ყველაფერი არ არის, სარგსიანის თქმით, სომხეთის ხელისუფლება იმედოვნებს, რომ რუსეთი სომხეთის შეიარაღების მოდერნიზებისთვის სესხების გაცემას განაგრძობს...
სომხეთის პრეზიდენტის განცხადებით, სომხეთის შეიარაღებული ძალები "კარგად არის აღჭურვილი", თუმცა "ჯარის მართვისა და იარაღის მოდერნიზაციის საკითხში ბევრი რამ აქვთ გასაკეთებელი". მისივე თქმით, ამ სფეროში სიახლეები საჭიროა, რათა განვითარდნენ და კონკურენტიანი გახდნენ.
საქმე ის არის, რომ რუსეთი ყარაბაღის კონფლიქტის მეორე მონაწილე მხარეს, აზერბაიჯანსაც იარაღით ამარაგებს. თუმცა, აზერბაიჯანს სესხის აღება არ სჭირდება - ის შეიარაღების თანხას ნაღდი ანგარიშსწორებით იხდის. აზერბაიჯანული მედიის ინფორმაციით, 2010 წლიდან ბაქოსთვის რუსული შეიარაღების მიწოდების კონტრაქტების ფინანსურმა რაოდენობამ მთლიანობაში დაახლოებით 4 მილიარდი დოლარი შეადგინა.
როგორც სომხური მედია წერს, რუსეთის მიერ აზერბაიჯანისთვის სამხედრო შეიარაღების მიწოდებას სომხეთი ძალიან მწვავედ აკრიტიკებს.
მთიან ყარაბაღში არსებული ვითარების ესკალაციას, სომხეთი რუსეთის ირიბ ჩარევად მიიჩნევს. სომხური მედიის ცნობით, აზერბაიჯანი მას შემდეგ გააქტიურდა, რაც რუსეთისგან შეიარაღება მიიღო.
დმიტრი როგოზინმა, რომელიც რუსეთში სამხედრო წარმოების კომისიას კურირებს, განაცხადა, რომ აზერბაიჯანისთვის იარაღის მიწოდება გაგრძელდება. სომხური მედია არასაიმედოდ მიიჩნევს რუსეთის პირველი პირების განმარტებას, თითქოს სომხეთისა და აზერბაიჯანისთვის იარაღის ერთდროულად მიწოდების მიზანი, მათ შორის ბალანსის შენარჩუნებაა. მათივე თქმით, თუ რუსეთი არ მიყიდდა აზერბაიჯანს იარაღს, ის მას სხვა, მესამე ქვეყნიდან მაინც შეიძენდა.
რუსეთის დუმის დეპუტატი, როგორც მას უწოდებენ, "დუმის რუპორი" ვლადიმირ ჟირინოვსკი აცხადებს, რომ აზერბაიჯანს მთიანი ყარაბაღის პრობლემა წლების განმავლობაში დარჩება.
"როდესაც ჩვენ ვამბობთ – სომხეთი და აზერბაიჯანი, უნდა გვესმოდეს, რომ მათ აქვთ ტერიტორია, სადაც პრობლემას ვერც ერთი მხარე ვერ წყვეტს, არადა, ორივეს ჰგონია, რომ ეს მათი ტერიტორიაა. ჩვენ კარგი ურთიერთობა გვაქვს აზერბაიჯანთან. ყველაზე მნიშვნელოვანი ის არის, რომ საბჭოთა კავშირი სრულიად უკანონოდ დაიშალა. ის იყო ერთიანი სახელმწიფო, რუსეთის იმპერია, ის უკანონოდ დაანგრიეს და ამ კავშირის წევრებმა უკანონოდ დატოვეს საბჭოეთი... სახელმწიფო არ უნდა დაშლილიყო, ეს არ უნდა დაგვეშვა, თუმცა, დავუშვით. იერუსალიმის პრობლემის მოგვარება შეუძლებელია... ებრაელებს მიაჩნიათ, რომ იერუსალიმი მათი ქალაქია. არაბები, საპირისპიროს ფიქრობენ..." - აცხადებს ჟირინოვსკი.
სანამ პოლიტიკოსები გარიგებებზე საუბრობენ, მთიან ყარაბაღში სროლები არ წყდება. ორივე მხარე ვითარების ესკალაციაში ერთმანეთს ადანაშაულებს და ტექნიკის "სიმძიმეს ზომავს". სომხური მედიის თქმით, ყველაფერი იქითკენ მიდის, რომ "სტრატეგიული მოკავშირე რუსეთი თავის საცეცებებში ხვევს სომხეთს, რათა მასზე კიდევ უფრო მიბმული გახდეს..."
აზერბაიჯანსა და სომხეთის შორის მთიანი ყარაბაღის კონფლიქტი 1988 წელს დაიწყო. აზერბაიჯანი მიიჩნევს, რომ მთიანი ყარაბაღი და შვიდი მიმდებარე რაიონი, აზერბაიჯანის 20%, სომხეთის შეიარაღებული ძალების ოკუპაციაშია, რასაც კატეგორიულად უარყოფს სომხეთი.
1994 წელს მხარეებმა ხელი მოაწერეს ცეცხლის შეწყვეტის რეჟიმს, მაგრამ დღემდე წარუმატებელად მიიჩნევა საერთაშორისო ორგანიზაციების ეგიდით წარმოებული მოლაპარაკებები ამ ორ ქვეყანას შორის. ორივე მხარე გამუდმებით ერთმანეთს ადანაშაულებს ცეცხლის შეწყვეტის შესახებ რეჟიმის დარღვევაში.
საერთაშორისო ორგანიზაციების მიერ გაკეთებული ანგარიშის თანახმად - მაშინ, როდესაც ალიევი და სარგსიანი ერთმანეთთთან შეხვედრებს არ გაურბიან, აზერბაიჯანი და სომხეთი ამჟამად ყველაზე ახლოს არიან სრულმასშტაბიან ომთან, ვიდრე ოდესმე.
ლალი პაპასკირი
Ambebi.ge
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მხოლოდ 5 თვეში, თბილისში მილიარდ 200 მილიონი დოლარის ბინები გაიყიდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
