ყველაზე "დახურული დაწესებულება" 13 წლის შემდეგ კამერებისთვის პირველად გაიღო - ფოტოები ექსპერტიზის ბიუროდან
13 წლის შემდეგ, სსიპ "ლევან სამხარაულის სახელობის - სასამართლო ექსპერტიზის ეროვნული ბიუროს" კარი ჟურნალისტებისთვის პირველად გაიღო.
დაწესებულება, რომელიც დღემდე კამერებისა და ფოტოობიექტივისთვის დახურული იყო, მედიის წარმომადგენლებმა დაათვალიერეს.
ჟურნალისტებს ის სამუშაო ოთახები და ლაბორატორიები აჩვენეს, სადაც ცხედრების გაკვეთა და შემდგომ ექსპერტიზა ტარდება.
"ყველაფერს მიუდექით ისე, როგორც კვლევის ამოცანას", "აქ ნერვებით თუ დაიწყებთ კეთებას, მაშინ არ უნდა გააკეთო საერთოდ, მაგრამ ექსპერტებიც ჩვეულებრივი ადამიანები ვართ, ჩვენც გვიყვარს, ჩვენც ვტირით, ჩვენც გვიხარია", - უთხრა ჟურნალისტებს ექსპერტიზის ბიუროს სამმართველოს უფროსმა ნინო კიკაბიძემ.
"ლევან სამხარაულის სახელობის - სასამართლო ექსპერტიზის ეროვნული ბიურო" 2004 წლის 4 ნოემბერს ჩამოყალიბდა. ბიურო წარმოადგენს სახელმწიფო საექსპერტო დაწესებულებას და მისი მომსახურებით სარგებლობენ, როგორც სახელმწიფო და საბიუჯეტო ორგანიზაციები, ასევე კერძო სტრუქტურები, კომერციული და არაკომერციული დაწესებულებები და სხვა იურიდიული თუ ფიზიკური პირები.
სტატისტიკური მონაცემების თანახმად, ბიურო წლის განმავლობაში 40000-მდე მომხმარებელს ემსახურება. აქედან, დაახლოებით, 15 ათასამდე მიმართვა ცოცხალ პირთა ლაბორატორიულ კვლევაზეა.
ბიუროს საქმიანობის სფეროში შედის 500-მდე ტრადიციული და არატრადიციული დარგის ექსპერტიზის სახეობა. ბიუროში 400-ზე მეტი კვალიფიცირებული პერსონალია დასაქმებული.
თამთა კაკაურიძე
დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა
"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?
