რა დამატებითი ცვლილებები იგეგმება მომავალი წლიდან საყოველთაო ჯანდაცვის პროგრამაში
მომავალი წლიდან საყოველთაო ჯანდაცვის პროგრამაში დამატებითი ცვლილებები იქნება, - ამის შესახებ პარლამენტის პლენარულ სხდომაზე ჯანდაცვის კომიტეტის თავმჯდომარემ აკაკი ზოიძემ განაცხადა.
"ეს ეხება კარდიოქირურგიას, ზოგადად ქირურგიულ ჩარევებს, ნეიროქირურგიას და ასე შემდეგ. ეს არის ის, რაც უკვე განხორციელდა მშობიარობის პროგრამაში, როცა სამშობიაროები დონეებად დაიყო. ეს არის ერთ-ერთი განმსაზღვრელი ფაქტორი, თუ რატომ მცირდება დედათა და ბავშვთა სიკვდილიანობა ჩვენს ქვეყნაში. ამ მიმართულებით სხვადასხვა საკითხებთან ერთად, სწორად არის მოწყობილი სამედიცინო სისტემის მონაწილეობის ორგანიზება", - განაცხადა აკაკი ზოიძემ.
მისი თქმით, მოქალაქეებს ექნებათ გაცილებით მაღალი მომსახურება და არ მოუწევთ ზედმეტი თანხმების გადახდა არც წამლებსა და არც დამატებით გამოკვლევებში.
ზოიძემ პარლამენტის კომიტეტის მუშაობის ანგარიში წარუდგინა.
"მოსალოდნელია ძლიერი ქარი" - გარემოს ეროვნული სააგენტო მოქალაქეებს აფრთხილებს
"კარგია, რომ სავაჭრო ობიექტებში წესები დაცული იყო, შემთხვევების მნიშვნელოვან მატებას არ ვვარაუდობთ" - რას ამბობს თამარ გაბუნია განახლებულ შეზღუდვებზე
