მნიშვნელოვანი ინფორმაცია
24
მაისიდღის ზოგადი ასტროლოგიური პროგნოზი
შაბათი, მთვარის ოცდამეშვიდე დღე დაიწყება 03:34-ზე, მთვარე კუროში გადაბრძანდება 21:35-ზე – კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის. მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად, ყვავილების დასარგავად; ქორწინებისა და ნიშნობისათვის. ამ დღეს ადამიანი მეტად მგრძნობიარეა საკვების მიმართ. ნუ გადატვირთავ კუჭს, მაგრამ ნურც იშიმშილებთ. მიიღეთ ჯანსაღი საკვები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რატომ უფრთხობს სიმშვიდეს ევროპას კატალონიის დამოუკიდებლობა?
02:24 / 02-11-2017
მას შემდეგ, რაც ესპანეთის ცენტრალურმა მთავრობამ რეგიონზე პირდაპირი კონტროლი დაამყარა, კატალონიის სეპარატისტული მთავრობა დაითხოვა და 21 დეკემბერს ვადამდელი არჩევნები დანიშნა. ამასთან, ესპანეთის სასამართლომ კატალონიის მთავრობის ყოფილი ხელმძღვანელი კარლეს პუჩდემონი და კატალონიის მთავრობის რამდენიმე ყოფილი წევრი ჩვენების მისაცემად დაიბარა.
კატალონიის მთავრობის ყოფილი ხელმძღვანელი და მთავრობის ყოფილი წევრები, სულ 13 ადამიანი, სასამართლოში 2 და 3 ნოემბერს უნდა გამოცხადდნენ. ესპანეთის გენერალური პროკურატურა მათ ბრალს ამბოხებასა და საბიუჯეტო სახსრების გაფლანგვაში სდებს, რაც 1 ოქტომბერს ჩატარებულ რეფერენდუმს უკავშირდება. ესპანეთის კანონმდებლობა აღნიშნული დანაშაულისთვის 30 წლით თავისუფლების აღკვეთას ითვალისწინებს.
იმ შემთხვევაში, თუ ეჭვმიტანილები უარს განაცხადებენ სასამართლოში გამოცხადებაზე, პროკურატურამ, შესაძლოა, მათი დაკავება მოითხოვოს. კარლეს პუჩდემონი ამ დროისთვის ბრიუსელში იმყოფება და აცხადებს, რომ ესპანეთში სასამართლოსთვის ჩვენების მისაცემად ჩასვლას არ აპირებს.
ამის შესახებ პოლიტიკოსის ბელგიელი ადვოკატი პოლ ბეკაერტი აცხადებს, რომლის თქმითაც, პუჩდემონს მოცდა და ვითარებაზე დაკვირვება ურჩევნია. როგორც ადვოკატმა აღნიშნა, კატალონიელი პოლიტიკოსი არ აპირებს ბელგიაში პოლიტიკური თავშესაფრის მოთხოვნას, მაგრამ თუ მადრიდი მის ექსტრადიციას მოითხოვს, ადვოკატები სასამართლოს მიმართავენ.
ესპანეთში მიმდინარე პროცესებსა და კატალონიის მცდელობას, დამოუკიდებლობა მოეპოვებინა, მთელი ევროპა გაფაციცებით ადევნებდა თვალყურს. განსაკუთრებით ისინი, ვისაც საკუთარ საზღვრებში სეპარატისტული მოწოდებები არაერთხელ მოუსმენია. საქმე ის არის, რომ კატალონიის პროცესებს მართლაც მოჰყვა გამოხმაურება დანარჩენ მსოფლიოში. "დომინოს პრინციპით" შეშინებული ევროპელი ლიდერები არასასურველი პროცესების მოლოდინში იყვნენ...
მას შემდეგ, რაც ოფიციალურ მადრიდს მხარი ევროკავშირის პრეზიდენტმა ჟან-კლოდ იუნკერმაც დაუჭირა და აღნიშნა, რომ ნამდვილად არ სურს ხვალ-ზეგ ევროკავშირში 95 განსხვავებული სახელმწიფო იხილოს, ევროპამ თითქოს შვებით ამოისუნთქა. მით უფრო მას შემდეგ, რაც ესპანეთის ხელისუფლებამ პროცესების კონტროლი დაიწყო.
შოტლანდიისა და ბელგიის პოლიტიკური ლიდერების გარდა, კატალონიელებს მხარი ღიად არავინ დაუჭირა, თუ არ ჩავთვლით საქართველოს სეპარატისტულ რეგიონებს, რომლებიც იქ დიპლომატიური სამსახურების გახსნის სამზადისზე საუბრობდნენ.
მიუხედავად იმისა, თუ როგორ ვითარდება პროცესები, მსოფლიო ლიდერებს სეპარატისტული მოძრაობები ახალ-ახალ თავსატეხს უქმნის. ალბათ ამიტომაც, სხვა ქვეყნების მაგალითების გათვალისწინებით, ისინი მყისიერ და საკმაოდ მკაცრ გადაწყვეტილებებს იღებენ. ერაყის ხელისუფლებამ რამდენიმედღიანი ულტიმატუმის შემდეგ, იარაღის გამოყენებით დაამყარა კონტროლი ერაყის ქურთისტანის ხელისუფლების მმართველობის ქვეშ მყოფ, ნავთობით მდიდარ ქალაქებზე და ამით ეკონომოკური რყევების რისკები შეამცირა.
სეპარატისტული მოძრაობების გააქტიურების ფონზე, ეკონომიკური რისკების წინაშე დგება ევროპაც, რომელსაც საზღვრების ცვლილება და კონტინენტის ფინანსურ ბაზრებზე რყევები სულაც არ სურთ, მით უფრო საერთაშორისო კრიზისის ფონზე.
ესპანეთის ხელისუფლების მკაცრმა გადაწვეტილებამ ერთგვარი შვება დანარჩენ ლიდერებსაც მოუტანა, თუმცა მთავარი სკითხი, - გაძლიერდება თუ არა სეპარატისტული მოძრაობები სხვა ევროპულ სახელმწიფოებში, უპასუხოდ რჩება. საერთაშორისო ანალიტიკოსების მიიჩნევენ, რომ კატალონიელების, მანამდე კი ერაყის ქურთისტანის წარუმატებელი მცდელობები, მათი ხისტი განაცხადებებისა და გამოსვლების მიუხედავად, ბევრ რამეზე მიანიშნებს - რამდენიმე სახელმწიფოს პირდაპირი თუ ირიბი მხარდაჭერა არ აღმოჩნდა საკმარისი, რათა მათ საერთაშორისო ზეწოლისთვის გაეძლოთ. ასე რომ, შესაძლოა, მათმა მაგალითებმა სხვებსაც გაუნელოს ცალკე წასვლის სურვილი და მოტივაცია.
ლალი პაპასკირი
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
