მნიშვნელოვანი ინფორმაცია
28
ივნისიდღის ზოგადი ასტროლოგიური პროგნოზი
კვირა, მთვარის მეხუთე დღე დაიწყება 09:28-ზე, მთვარე ქალწულს ესტუმრება 15:49-ზე –
ყველაფრის მიღწევა შეიძლება, თუ კრეატიული ხართ და მიზნის მიღწევას ცდილობთ. უნდა დაიცვათ თქვენი პრინციპები და აქტიურად გამოხატოთ თქვენი ემოციები და გრძნობები. გადაიხადეთ ვალები. დაასრულეთ რაც დაიწყეთ. განახორციელეთ ნებისმიერი რადიკალური ცვლილება – ავეჯის გადაწყობიდან ბიზნესის კონცეფციის შეცვლამდე. არ არის რეკომენდებული ფინანსური საქმეების წარმართვა. ახალი საქმეების დაწყება. კარგია ტაძრებისა და მონასტრების მონახულება. კარგია სამზარეულოს დასუფთავება, საყოფაცხოვრებო ტექნიკის შეკეთება, დაუთოება.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
კიევთან ახლოს ჩეჩნური ბატალიონის წევრი ამინა ოკუევა მოკლეს
02:00 / 31-10-2017
კიევთან ახლოს, უკრაინაში მებრძოლი ჩეჩნური ბატალიონის წევრ ამინა ოკუევას ესროლეს, რის შედეგადაც ის ადგილზე გარდაიცვალა. ადამ ოსმაევი კი დაჭრილია... ამინა ოკუევასა და ადამ ოსმაევის მანქანას უცნობმა პირებმა კიევიდან 35 კილომეტრში მდებარე გლევახას დასახლებაში, რკინიგზის გადასასვლელთან ესროლეს.
ამის შესახებ ინფორმაციას უკრაინის შს მინისტრის მრჩეველი ანტონ გერაშენკო ავრცელებს.
"ადამ ოსმაევი დაჭრილია, მაგრამ ის იცოცხლებს... მას უკვე ვესაუბრე ტელეფონით..." - წერს გერაშენკო თავის ფეისბუქ-გვერდზე, რომლის თქმითაც, უკვე აღძრულია სისხლის სამართლის საქმე და "მკვლელობის ჩამდენი სასტიკად დაისჯება".
გამომცემლობა Цензор.нет წერს, რომ თავდასხმა დივერსანტებმა მოაწყვეს. დეპუტატ იგორ მოსიიჩუკის თქმით, ოკუევას ტყვია თავში აქვს მოხვედრილი... პოლიციამ დივერსანტების ძებნა უკვე დაიწყო.
შემთხვევამდე რამდენიმე ხნით ადრე, ადამ ოსმაევმა თავის ფეისბუქის კედელზე გამოაქვეყნა ფოტო, სადაც ისიც არის მონიშნული, წარწერით, - "მზად ვართ მორიგ ქილერთან შესახვედრად"...
ამინა ოკუევას უკრაინული (და არა მხოლოდ) საზოგადოება კარგად იცნობს, - მან მიმდინარე წლის ზაფხულში, კიევში, უცნობი მამაკაცის მანქანაში ადამ ოსმაევი თავისი სწრაფი რეაქციით სიკვდილს გადაარჩინა.
მაშინ უკრაინული მედია წერდა, რომ მამაკაცი, რომელიც ოსმაევს ვითომ ინტერვიუზე შეუთანხმდა, რუსეთის სპეცსამსახურების მიერ იყო დაქირავებული, რადგან თავად ადამ ოსმაევს რუსეთის ხელისუფლება პრეზიდენტ ვლადიმირ პუტინის მკვლელობის მომზადებაში ადანაშაულებდა.
მაშინ ამინა ოკუევა ყვებოდა, რომ თავდაპირველად დაიბნა, თუმცა მალევე მოვიდა გონს, თავისი იარაღი, ПМ ამოიღო და ე.წ. ჟურნალისტს 4-ჯერ ესროლა. ამ დროისთვის ორივე მამაკაცი საავადმყოფოშია მოთავსებული და მათი მდგომარეობა მძიმეა...
კიევის პოლიციის ინფორმაციით, ოსმაევი და ამინა ოკუევა 2014 წლიდან რუსეთ-უკრაინის საბრძოლო მოქმედებებში აქტიურად მონაწილეობდნენ და "კიევი-1"-ის საპოლიციო ბატალიონში მოხალისეებად ირიცხებოდნენ. მათ პუტინის და შესაბამისად, რამზან კადიროვის პირად მტრებს უწოდებდნენ. უკრაინული მედიის ცნობით, მკველობის შემკვეთის კვალი ისევ და ისევ რუსეთისკენ მიდის, შემსრულებელი კი ჩეჩნეთის ლიდერის გარემოცვაში უნდა ეძებონ...
ოსმაევი უკრაინაში 2012 წლის თებერვალში დააპატიმრეს და მოგვიანებით, რუსეთის ხელისუფლების თხოვნით, ბრალად პუტინის მკვლელობის მომზადება წაუყენეს.
2014 წლის ნოემბერში, მას შემდეგ რაც რუსეთმა ყირიმის ანექსია მოახდინა და აღმოსავლეთ უკრაინაში სეპარატისტებს უჭერს მხარს, მოსკოვსა და კიევს შორის ურთიერთობა მკვეთრად გაუარესდა, უკრაინამ ოსმაევისთვის მკვლელობის მცდელობის ბრალდების მოხსნა გადაწყვიტა... ოსმაევი და ოკიევა კონფლიქტში კიევის მხარეს იბრძოდნენ...
უკრაინული მედიის ინფორმაციით, ამინა ოდესაში დაიბადა და გაიზარდა. მისი ნამდვილი სახელი და გვარი იყო ნატალია ნიკიფოროვა. პირველი ქორწინების შემდეგ, მან ისლამი მიიღო და ამინა მუსტაფინოვა გახდა, ოკუევა მეორე ქმრის გვარი იყო...
გარკვეული დროის განმავლობაში რუსეთში ცხოვრობდა, თუმცა, შემდეგ უკრაინაში დაბრუნდა, ოსმაევთან ერთად "კიევი-1" ბატალიონში გაწევრიანდა, რომელიც ჯოხარ დუდაევის სახელობის ჩეჩნურ ბატალიონში ირიცხება.
უკრაინულ სოციალურ მედიაში ამინა ოკუევას მკვლელობას ეხმაურებიან და ამბობენ, რომ ეს შემთხვევა უკრაინელ მებრძოლებზე მორალურად ძალიან ცუდად აისახება. და კიდევ, - ეს ნიშნავს, რომ კიევშიც კი, ადამიანი დაუცველია, რაც უკრაინაში არსებული პრობლემების ნათელი გამოვლინებაა...
ლალი პაპასკირი
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ირანის შეტევის შედეგად ისრაელის 6 კვლევითი ლაბორატორია განადგურდა და 9 დაზიანდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
