თამაზ მეჭიაური შესაძლოა, თიანეთის მერი გახდეს - ყოფილი პარლამენტარი "ქართული ოცნების" კანდიდატს უსწრებს

ცენტრალური საარჩევნო კომისიის წინასწარი მონაცემებით, თიანეთში "თამაზ მეჭიაური ერთიანი საქართველოსთვის" მერობის კანდიდატმა თამაზ მეჭიაურმა ამომრჩევეთა ხმების 54,44 % მიიღო.

ამ დროის მონაცემებით, თიანეთში 20 უბნიდან 17-ია დათვლილი. წინასწარი შედეგებით, მეორე ადგილზეა "ქართული ოცნების" მერობის კანდიდატი ლელა ქიტესაშვილი, რომელსაც მხარი ამომრჩეველთა 45,56% დაუჭირა.

აღსანიშნავია, რომ საქართველოს მასშტაბით ეს ერთადერთი შემთხვევაა, როდესაც ოპოზიციური პარტიის მერობის კანდიდატი პირველივე ტურში ლიდერობს.

როგორც ცნობილია, მერის მანდატის პირველივე ტურში მოსაპოვებლად კანდიდატმა 50%-იანი ბარიერი უნდა გადალახოს.