ქვემო ქართლის გუბერნატორმა თეთრიწყაროს მუნიციპალიტეტში მდებარე ფაბრიკა "დილა" დაათვალიერა

20 ოქტომბერს ქვემო ქართლში სახელმწიფო რწმუნებულმა-გუბერნატორმა გრიგოლ ნემსაძემ, მოადგილესთან, კახა კობერიძესთან ერთად, თეთრიწყაროს მუნიციპალიტეტში მდებარე, კვერცხის მწარმოებელი ფაბრიკა "დილა" დაათვალიერა.

გუბერნატორი ადგილზე გაეცნო საწარმოო პროცესს და ადმინისტრაციის ხელმძღვანელი პირებისგან სამომავლო გეგმების შესახებ მიიღო ინფორმაცია. მეფრინველეობის მეურნეობაში წარმოებული კვერცხი ქართულ ბაზარზე წლებია აქტიურადაა წარმოდგენილი.

თეთრიწყაროს მუნიციპალიტეტში მდებარე კვერცხის მწარმოებელ ფაბრიკაში ამ ეტაპზე 200-მდე ადგილობრივია დასაქმებული. უახლოეს პერიოდში იგეგმება წარმოების გაზრდა და ფაბრიკის ახალი, თანამედროვე მოთხოვნების შესაბამისი, ინვენტარით აღჭურვა.