მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
სამად დაყოფილი საქართველო ერთი და იმავე პრობლემების წინაშე
00:44 / 21-10-2017
საქართველოში პოლიტიკური ცხოვრება გრძელდება. პოლიტიკური ცხოვრება გრძელდება, ოკუპირებულ რაიონებშიც, სადაც პოლიტიკურ ამინდს რუსეთი ქმნის... მიუხედავად იმისა, რომ ორივე რეგიონის "ხელმძღვანელობა" აცხადებს, რომ "საქართველოში მიმდინარე ამბები არ აინტერესებს, სინამდვილეში, ასე არ არის და სოხუმსა და ცხინვალში თბილისში მიმდინარე ყველა პროცესს ყურადღებით ადევნებენ თვალს...
კატეგორიული უარყოფის კვალდაკვალ, ყველა პოლიტიკოსის შესახებ საკმაოდ ამომწურავი ინფორმაცია აქვთ და ქართველი პოლიტიკოსების დებატებსაც ინტერესით ადევნებენ თვალს, რასაც შემდეგ ერთმანეთთან განიხილავენ. ხშირად გაოცებით აღნიშნავენ, რომ ქართული პოლიტიკაში, საჯარო დებატებისა და კამათისას პირადი შეუარაცხოფები, "მიღებულია"... აფხაზურ საზოგადოებაში, იმას, ვინც "საქართველოს ხელისუფლებაში" მიმდინარე ცვლილებებს, ხშირად ცინიკურად, მაგრამ მაინც ხშირად განიხილავს, "ქართული დოლარებით ნაკვებს" უწოდებენ...
მორიგი ადგილობრივი თვითმმართველობის არჩევნებისგან დიდ ცვლილებებს არ ელიან. თან აფხაზეთში, ახლა ამაზე მსჯელობითვის არ სცალიათ, დანარჩენი საქართველოს არ იყოს, ისინიც აზიური ფაროსანას გარშემო არიან გაერთიანებული... ეკონომიკის განვითარების იმედი, იქ კარგა ხანს აღარ აქვთ, თუმცა, როგორც თავად ამბობენ, აფხაზეთის ბუნებრივი პოტენციალის გამო, ამის შეგუება, ფაქტობრივად დანებების ტოლფასია...
სანამ პოლიტიკურ პარტიებსა და ორგანიზაციებს, ოკუპირებული რეგიონები წინასაარჩევნო დაპირებების დროს ახსენდებათ, დროთა განმავლობაში, ორივე რეგიონი თავის, საშინაო პრობლემებში იძირება და გამოსავალს ისევ და ისევ რუსეთში ეძებს. აფხაზეთი, ცდილობს დისტანცია შეინარჩუნოს, თუმცა, ფინანსური და ტექნიკური დახმარება მიიღოს, თუმცა, ამის მიუხედავად, რუსეთი თავის გავლენებს ყოველღიურად აძლიერებს.
განსხვავებული სურათია ცხინვალის რეგიონში, სადაც არავინ მალავს, რომ რუსეთთან უფრო ახლო ურთიერთობა სურთ, - ე.წ. პრეზიდენტი ბიბილოვი ცდილობს, რუსეთთან დაახლოებით თავი გადაირჩინოს. რუსული მედიის თქმით, "ანატოლი ბიბილოვის აღიარება ძალიან ძვირი ჯდება", რადგან ე.წ. სამხრეთ ოსეთი სულ უფრო ეკედლება რუსეთს, რომლის ეკონომიკასაც, რბლად რომ ვთქვათ, ბოლო დროს, სრულებით არ ულხინს...
ორი დღის წინ, ცხინვალის რეგიონის მოსახლეობისთვის მოულოდნელად, ანატოლი ბიბილოვი, სამუშაო ვიზიტით, მოსკოვს ეწვია. მისი. ე.წ. პრეს-სამსახურის თქმით, "ეს ვიზიტი, რუსეთსა და სამხრეთ ოსეთს შორის, შემდგომი ურთიერთობის გამყარებას ისახავდა მიზნად..."
დინა გასიევას თქმით, ანატოლი ბიბილოვი, რუს პარტნიორებთან ერთად, "სახელმწიფოს მმართველებს შორის ურთიერთშეთანხმების ხელშეკრულების გასაფორმებლად ემზადება... ეს იყო დაგეგმილი ვიზიტი, რომლის ფარგლებშიც, ეკომონიკური და სოციალური საკითხები განხილება..." - აცხადებს ის.
ოსი ექსპერტების თქმით, ბიბილოვის მოსკოვში ვიზიტის მიზეზი, რუსეთთან ეკონომიკური თანამშრომლობა იყო. მათივე თქმით, ბიბილოვი ცდილობს ადგილობრივი ბაზარი განავითაროს და ე.წ. სამხრეთ ოსეთის ბიუჯეტიც შეავსოს.
ე.წ. სამუშაო ვიზიტით, ანატოლი ბიბილოვი, "პრეზიდენტად" არჩევის შემდეგ, რუსეთში უკვე მეორედ ჩავიდა. პირველად, აპრილში, ანუ მაშინვე, როგორც კი "ხელისუფლების" სათავეში მოვიდა, ის მაშინ ვლადიმირ პუტინს ქალაქ სოჭში შეხვდა... გარდა ამ ვიზიტებისა, ის აქტიურად სტუმრობს დონეცკისა და ლუგანსკის "სახალხო რესპუბლიკებსაც".
ბიბილოვი "ახალი ამბებით", ცხინვალში დღეს დაბრუნდება და მოსახლეობას, სავარაუდოდ, ახალი ინვესტორების შემოსვლის ამბავსაც ამცნობს... უკვე გავრცელდა ინფორმაცია, რომ მისი თქმით, ოსურ ღვინოს საკმაოდ კარგი პოტენციუალი აქვს, თუმცა სხვადახვა მიზეზების გამო, მისი ხარისხიანად დამზადება და შემდეგ, რეალიზაცია არ ხდება, რადგან ეს სფერო მონიპოლიზირებულია და ბაზარი ვერ ვითარდება.
ასეთი ინიციატივების კვალდაკვალ, ბიბილოვმა "სახელმწიფო უწყებების" თანამშრომლების შემცირებაც დაიწყო, ზოგი თავად წავიდა, ზოგსაც - დაატოვებინეს, მათ შორის, ე.წ. უმაღლესი სასამართლოს თავმჯდომარე, ილონა ხუგაევა...შემცირების მოლოდინში არიან "შს" და "თავდაცვის" სამინისტროს თანამშრომლებიც, რასაც მოსახლეობის აღშფოთება მოჰყვა, - მათი თქმით, "სახელმწიფო უწყებების" შემცირება, კარგს არ მოასწავებს...
ლალი პაპასკირი
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
