AMBEBI.GE-ზე წინასაარჩევნო პერიოდის გაშუქებისას დარღვევა არ დაფიქსირებულა - მედიამონიტორინგის შედეგები
სამოქალაქო განვითარების ინსტიტუტი საინფორმაციო პორტალ Ambebi.ge-ს მიერ წინასაარჩევნო პერიოდის გაშუქებას დადებითად აფასებს. როგორც ორგანიზაციის წარმომადგენელმა გიორგი ჯოლოგუამ მედიამონიტორინგის პირველად შედეგებზე საუბრისას განაცხადა, Ambebi.ge-ზე არ დაფიქსირებულა არანაირი დარღვევა.
"Ambebi.ge-ზე შეინიშნება გაუმჯობესება წინა წლების მონიტორინგის შედეგებთან შედარებით. ადრე იყო მცირე დარღვევები, რაც ძირითადად გადაუმოწმებელი ინფორმაციის გამოქვეყნებას ეხებოდა. წელს ჩვენს ანგარიშში არ მოხვედრილა არც ერთი ამ ტიპის შემთხვევა. პრაქტიკულად Ambebi.ge-ზე არანაირი დარღვევა არ გვხვდება, რაც რა თქმა უნდა, ყოველთვის სასიხარულოა. კარგია, როცა ვხედავთ გაუმჯობესებას რომელიმე საიტზე", - განაცხადა ჯოლოგუამ.
ამასთან, Ambebi.ge-სთან ერთად მონიტორინგში დადებითადაა შეფასებული "პალიტრა მედიის" შემადგენლობაში შემავალი კიდევ ერთი საინფორმაციო სააგენტოს "ინტერპრესნიუსის" მუშაობა წინასაარჩევნო თემატიკაზე.
"InterPressNews.ge.გე-ზე არ შეინიშნება განსაკუთრებით დადებითი ან უარყოფითი განწყობა რომელიმე პოლიტიკური ძალის მიმართ. დაცულია ჟურნალისტური სტანდარტები. ეთიკის ნორმების უხეში დარღვევის შემთხვევები არ გვხვდება. პრობლემას წარმოადგენს სარეკლამო სტატიებზე მითითება", - განაცხადა ჯოლოგუამ.
რაც შეეხება ზოგადად ონლაინ მედიას, მისი თქმით, საიტებზე ყოველ წელს სუბიექტთა გაშუქების ბალანსის დაცვის კუთხით გაუმჯობესება შეინიშნება. ჯოლოგუამ ონლაინ მედიაში არსებულ ძირითად პრობლემად სარეკლამო სტატიებზე შესაბამისი მითითების საკითხი დაასახელა.
მედიამონიტორინგის შედეგები 19 ივნისიდან 8 ოქტომბრის ჩათვლით პერიოდს მოიცავს და მისი პრეზენტაცია დღეს გაიმართა.
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია
