მნიშვნელოვანი ინფორმაცია
7
ივნისიდღის ზოგადი ასტროლოგიური პროგნოზი
შაბათი, მთვარის მეთორმეტე დღე დაიწყება 18:20-ზე, მთვარე მორიელში იქნება 06:22-დან –რეკომენდებულია მოლაპარაკებების წარმოება. დახმარების თხოვნა. გამოიჩინეთ ნებისყოფა, გამძლეობა, სიმტკიცე და პატიოსნება სამსახურში. გამოავლინეთ საკამათო საკითხების გადაჭრის, კონფლიქტების მოგვარების და კომპრომისებზე წასვლის უნარი. არ არის რეკომენდებული გადაჭარბებული ზრუნვა. ახალი წამოწყებები. აჩქარების და აურზაურის გამოვლინება. საუკეთესო დღეა ოჯახის შესაქმნელად. დღეს მაქსიმალური სიყვარული და მზრუნველობა გამოიჩინეთ პარტნიორის მიმართ და ეცადეთ, არ გაანაწყენოთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მამა დაბრუნდაო, ვუთხარით ერთმანეთს ოჯახის წევრებმა..." - გურამ გაბესკირიას ნეშტი თბილისში ჩამოასვენეს
11:18 / 10-10-2017
"მამა დაბრუნდაო - ვუთხარით ერთმანეთს მე და ჩემი ოჯახის წევრებმა, როდესაც მისი ცხედრის თბილისში ჩამოსვენების შესახებ შევიტყეთ... შემდეგ, უცებ გამკრა თავში, რომ მამა იქ იყო, სადაც უნდა ყოფილიყო, თავის აფხაზეთში... მიწაზე, რომლის დაცვასაც შეეწირა, თუმცა ბედნიერები ვართ, რომ მისი საფლავი გვექნება," – ასე ემოციურად ჰყვება Ambebi.ge-სთან სოხუმის ყოფილი მერის, საქართველოს ეროვნული გმირის, გურამ გაბესკირიას ცხედრის თბილისში ჩამოსვენების შესახებ მისი შვილი, ვლადიმერ გაბესკირია.
მისივე თქმით, ცხედარი უკვე იდენტიფიცირებულია და მის ოჯახს ხვალ, დევნილთა სამინისტროში სხვა დეტალების შესახებაც მიაწვდიან ინფორმაციას.
ვლადიმერ გაბესკირია:
- ამის გაგება ძალიან ემოციური იყო... ეს მისალოცი ამბავია ჩვენთვის, რადგან ძალიან მძიმეა, როდესაც არ იცი მამის საფლავი სად არის და ვერ მიდიხარ მასთან... როგორც ვიცი, საქართველოს მთავრობა და "წითელი ჯვარი" აქტიურად იყვნენ ჩართული, რომ ცხედარი ჩამოგვესვენებინა.... ამისთვის დიდი მადლობა მინდა ვუთხრა ჩვენს ხელისუფლებას. 25 წლის შემდეგ, რომ სახლში დაგიბრუნდეს მშობელი, ეს ჩვენი ოჯახისთვის უდიდესი ბედნიერებაა. ყველა ეს დღე მოლოდინში გავატარეთ... რა თქმა უნდა, ყველაზე კარგი იქნებოდა, იქ აფხაზეთში, სხვა ვითარებაში გვეპოვა მისი საფლავი, მაგრამ სოხუმი დროებით დაკარგული გვაქვს და იმედია, მამაც და მისი თანამებრძოლებიც აფხაზეთის მიწას ოდესმე ღირსეულად დაუბრუნდებიან... მამას ისეთი ურთიერთობა ჰქონდა აფხაზებთან, ისეთი გზა აქვს გავლილი, ძალიან დიდხანს ვერ ვიჯერებდით, რომ მას ასე მოექცნენ, არ გვჯეროდა, რომ ის სასიკვდილოდ გაიმეტეს.
- ალბათ გქონდათ ინფორმაცია, რომ აფხაზეთში საიდენტიფიკაციო სამუშაოები მიმდინარეობდა...
- დიახ, რამდენიმე ხანია ამაზე მუშაობენ. თითქოს ყოველ დღე ველოდებოდით ამას, მაგრამ მაინც ძალიან ემოციური იყო ეს ყველაფერი... თან მიმძიმს ამაზე საუბარი, მაგრამ ბედნიერი ვარ, რომ მამაჩემის საფლავი გვექნება... ეს სხვა ტკივილია, უცნაური განცდაა. ვისაც ეს არ განუცდია, ძნელია მიხვდეს, არც არავის ვუსურვებ ამ გზის გავლას...
ქართულ საზოგადოებას ახსოვს, სოხუმის დაცემის ბოლო დღის, 27 სექტემბრის ამსახველი ვიდეო, სადაც ჩანს გურამ გაბესკირიას ღირსეული პასუხი, აფხაზი ბანდფორმირებების ბრძანებაზე, - "დაიჩოქე და თქვი, რომ ეს ქართული მიწა არ არის!", - "არასოდეს, სანამ ცოცხალი ვარ!.." – მიუგო მან...
ასევე გავრცელდა ინფორმაციას, რომ იდენტიფიცირებულია მამია ალასანიას ცხედარიც, თუმცა, ეს ინფორმაცია, ჯერჯერობით ზუსტდება...
სოხუმის მერი გურამ გაბესკირია 1993 წლის 27 სექტემბერს აფხაზეთის მინისტრთა საბჭოს შენობის შტურმისას სეპარატისტებმა ტყვედ აიყვანეს და ის ჟიული შარტავასთან და 27 ადამიანთან ერთად დახვრიტეს.
მისი ვაჟის თქმით, აჩადარაში, ყველა ერთად დამარხეს, მათ შორის იყო, ირაკლი ალასანიას მამა, მამია ალასანიაც...
საქართველოს პრეზიდენტმა გიორგი მარგველაშვილმა 2017 წლის 27 სექტემბერს სოხუმის მერს გურამ გაბესკირიას, სიკვდილის შემდეგ, საქართველოს ეროვნული გმირის წოდება მიანიჭა და ჯილდო გურამ გაბესკირიას ოჯახს გადასცა.
ლალი პაპასკირი
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
