მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
კვირა, მთვარის მეორე დღე დაიწყება 07:11-ზე, მთვარე ვერძშია
კარგი დღეა ნებისმიერი საქმის დასაწყებად; ფინანსური საკითხების მოსაგვარებლად; ვაჭრობისთვის. არ იკამათოთ, გადადეთ სასამართლო საქმეები. კარგ დღეა შემოქმედებითი და სამეცნიერო საქმეებისთვის. სწავლისთვის და გამოცდების ჩასაბარებლად. უფროსთან შეხვედრა სიკეთეს არ მოგიტანთ. კარგი დღეა საქმიანობის, სამსახურის შესაცვლელად. თამამად გაემგზავრეთ სამოგზაუროდ, მივლინებაში. სხვა დღისთვის გადადეთ ნიშნობა და ქორწინება. შეამცირეთ ალკოჰოლისა და სასმლის დოზა. მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე; აგრეთვე დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რატომ ვერ შეთანხმდნენ ქართულ-სომხური მხარეები საქართველოში სომხეთის ელჩის კანდიდატურაზე
01:30 / 03-10-2017
საქართველოში სომხეთის ახალი ელჩის წარდგენა უსასრულოდ გაჭიანურდა. მიმდინარე წლის მაისში სომხური მედია წერდა, რომ თბილისში სომხეთის დიპლომატიურ მისიის ხელმძღვანელს იური ვარდანიანს სერგეი მინასიანი შეცვლიდა...
EADaily -ის ინფორმაციით, მინასიანი ექსპერტ-ანალიტიკური ცენტრის "კავკასიის ინსტიტუტის" დირექტორის მოადგილეა და სომხეთში ცნობილი პოლიტოლოგია. გაზეთი Жаманак-ის ("დრო") ინფორმაციით, საქართველოს ხელისუფლება ამ ადგილზე, ადგილობრივი საზოგადოებისთვის კარგად ცნობილი მინასიანის დანიშვნას ეწინააღმდეგება. ის ამ პოსტზე ჯერ კიდევ ივლისში უნდა დაენიშნათ, მაგრამ ჯერჯერობით შეთანხმება ვერ შედგა...
საკითხის გარშემო შეთანხმება ვერც თბილისში სომხური დელეგაციის ვიზიტის შემდეგ შედგა. სომხური მედიის ინფორმაციით, საქართველოს საგარეო საქმეთა მინისტრ მიხეილ ჯანელიძესთან ეს თემა ისევ ჰაერში გამოკიდული დარჩა - ქართულმა მხარემ სომხეთს დელიკატურად აგრძნობინა, რომ სხვა კადიდანტურაზე ეფიქრათ.
თავად სერგეი მინასიანი ამ თემაზე კომენტარს არ აკეთებს. ოფიციალური ერევნის ინფორმაციით, ასეთ საკითხებს კონსტიტუცია კანონის ფარგლებში ადგენს, "დანარჩენი კი ჭორებია"- აცხადებს უწყების პრეს-მდივანი ტიგრან ბალაიანი ჟურნალისტების კითხვაზე, - რატომ ბლოკავს ქართული მხარე მინასიანის კანდიდატურას.
სომხური მედიის ინფორმაციით, მინასიანის გარშემო არსებობს რამდენიმე ვერსია - ერთ-ერთის თანახმად, სომხეთმა მასზე არჩევანი მისი ჯავახური ფესვების გამო გააკეთა. წლების განმავლობაში, ის ექსპერტად მუშაობდა და სწორედ სომხურ-ქართულ ურთიერთობებს სწავლობდა. თუმცა, სხვა ვერსიით, - ქართული მხრიდან უარის მიზეზი სწორედ მანასიანის ჯავახური ფესვებია...
სომხური მედია აქცენტს ქართულ-სომხური, კეთილმეზობლური ურთიერთობების მნიშვნელობაზე აკეთებს, თუმცა, არც ბოლო წლებში სადაო საკითხები ავიწყდება, მათ შორის, კულტურულ-ისტორიული ძეგლები და საქართველოს სკოლებში სომხურენოვანი მოსწავლეების განათლება... კიდევ ერთი საკითხია, სომხების მოქალაქეობა - საუბარია იმ ადამიანებზე, რომლებიც საქართველოს მოქალაქეები იყვნენ, თუმცა, სოციალურ-ეკონომიკური პრობლემების გამო სამუშაოდ რუსეთში წავიდნენ, რისთვისაც სომხური პასპორტები მიიღეს... საქართველოში დაბრუნების შემდეგ ისინი "სტუმრებად" იქცნენ, მათ საქართველოს მოქალაქეობა დაკარგეს. სომხური მედია ამის გამო მეზობელ სახელმწიფოს აკრიტიკებს, თუმცა, ვერ ჩამოყალიბდა, კანონის ფარგლებში სხვა რა გამოსავალს სთავაზობს...
სომხური მედია თავისი სახელმწიფოსგან მეტ დიპლომატიას და ამ საქმეში გამობრძმედილ კადრებს ითხოვს, რათა სადავო საკითხებთან დაკავშირებით, ორ სახელმწიფოს შორის შეთანხმება შედგეს... "სამწუხაროდ, ამ მიმართულებით საქართველოში წარგზავნილმა ვერცერთმა კადრმა სასურველი შედეგი ვერ აჩვენა... 2012 წელს ლეგენდარული ძალოსანი, საბჭოთა კავშირისა და ევროპის მრავალგზის ჩემპიონი იური ვარდანიანი, სომხეთის ახალგაზრდული სპორტის მინისტრად დაინიშნა. ორი წლის შემდეგ კი, ის საქართველოში დიპლომატად მიავლინეს... სერჟ სარგსიანის ეს გადაწყვეტილება ბევრისთვის შოკი აღმოჩნდა, რადგან ყველასთვის გასაგები იყო, რომ ის საქართველო-სომხეთს შორის დაგროვილ პრობლემებს ვერ მოაგვარებდა... ასე რომ, როგორც საგარეო საქმეთა სამინისტროში, ისე სხვა მიმართულებით, კადრების სერიოზული დეფიციტია",- წერს სომხური მედია.
გამოცემა EADaily-ის ინფორმაციით, იური ვარდანიანს, ვადის ამოწურვის მიუხედავად, საქართველოში დიპლომატიური სამსახურის დატოვება არ სურს... თუმცა, ამ პოსტზე არის კიდევ ერთი კანდიდატი, - რესპუბლიკური პარტიის ლიდერი ერმინე ნაგდალიანი, რომელსაც საქართველოში ბიზნეს-ინტერესები აქვს და ამის განხორციელებას დოპლომატიური გზით აპირებს.
კიდევ რამდენ ხანს გაგრძელდება საქართველოში მთავარი სომეხი დიპლომატის ძებნა, ჯერჯერობით უცნობია, თუმცა, ფაქტია, რომ ეს იქნება ლაკმუსის ქაღალდი როგორც ქართულ-სომხურ ურთიერთობაში, ასევე, სომხეთის პოლიტიკურ ელიტაში არსებულ დაპირისპირებაში... "ასევე ფაქტია, რომ გარკვეული პერსონების ვიწრო პოლიტიკური ინტერესები მნიშვნელოვან საკადრო გადაწყვეტილებებზე მაღლა დგას, რამაც ასეთ მგრძნობიარე თემებშიც კი იჩინა თავი,"- წერს სომხური მედია.
ლალი პაპასკირი
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
