კატალონიაში რეფერენდუმის დღეს პოლიციასთან შეტაკების შედეგად დაშავებულთა რაოდენობა 460-ს აჭარბებს. ამის შესახებ კატალონიის მთავრობის ჯანდაცვის დეპარტამენტი იუწყება.
მედიკოსების ინფორმაციაზე დაყრდნობით მთავრობაში განაცხადეს, რომ საავადმყოფოებს დახმარებისთვის 465-მა ადამიანმა მიმართა. ორი ადამიანის მდგომარეობა ძალიან მძიმეა.
მედიის ინფორმაციით, ერთ-ერთ მამაკაცს თვალში რეზინის ტყვია მოხვდა, რომელიც დღეს კატალონიაში პოლიციამ გამოიყენა. კიდევ ერთ მამაკაცს ხმის მისაცემ უბანზე პოლიციის შევარდნის შედეგად გულის შეტევა განუვითარდა.
მანამდე გავრცელებული ინფორმაციით, დაშავებულთა რაოდენობა 337-ს აღწევდა.
