მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ესპანეთის უახლეს ისტორიაში ახალი ეპოქა იწყება - კატალონია რეფერენდუმისთვის ემზადება
07:33 / 30-09-2017
ხვალ, 1-ელ ოქტომბერს თანამედროვე მსოფლიოს კიდევ ერთი ქვეყანა დადგება სეპარატისტული სახელმწიფოს შექმნის საფრთხის წინაშე - კატალონია, ესპანეთის ჩრდილოაღმოსავლური რეგიონი დამოუკიდებლობის სურვილით რეფერენდუმს გამართავს...
კატალონიელი სეპარატისტები მომხრეებს მოუწოდებენ, არ დამორჩილდნენ ესპანეთის მთავრობის მცდელობას, დაიბლოკოს უკვე დაანონსებული რეფერენდუმი, არ შეუშინდნენ მათ და თავისუფალი არჩევანი გააკეთონ... ასევე არ დათმონ საარჩევნო ყუთების დაბლოკვა და დახურვა, რომლის ბრძანებაც პოლიციას აქვს გაცემული.
დამოუკიდებლობის მომხრე ჯგუფებმა, კატალონიის ეროვნულმა ასამბლეამ (ANC) და "ომნიუმმა" გასულ კვირას აღნიშნეს, რომ თუ ისინი შეამჩნევენ, რომ პოლიცია თავის ბრძანებას ასრულებს და ხალხს ანგარიშს არ უწვეს, ეს პოლიტიკურ აფეთქებას და უფლებაშელახული ამომრჩევლის უკმაყოფილებას გამოიწვევს, რაც მათ ქუჩებში გამოსვლებს მისცემს ბიძგს.
თავის მხრივ, ესპანეთის ხელმძღვანელობამ, "დამოუკიდებლობის რეფერენდუმი" არაკონსტიტუციურად გამოაცხადა და პოლიციას უბრძანა, რომ ხმის მიცემა აღკვეთოს... უკვე დაპატიმრებულია რამდენიმე ლიდერი, თუმცა, ამან მღელვარება კიდევ უფრო გაზარდა, მათი თანამოაზრეები ბარსელონას სასამართლოსთან შეიკრიბნენ და სასამართლოს გადაწყვეტილება გააპროტესტეს...
კატალონია - ესპანეთის მდიდარი რეგიონი, უკან დახევას არ აპირებს. რეგიონის ლიდერი, კარლეს პუძდემონი ცენტრალური მთავრობის რეაქციას ანტიდემოკრატიულ ქმედებად მიიჩნევს და აცხადებს, რომ მან თანამერბძოლებთან ერთად უკვე შეიმუშავა გეგმა, რომელიც რეფერენდუმის გამართვას უზრუნველყოფს.
დამოუკიდებლობის მომხრე პოლიტიკური ჯგუფები აცხადებენ, რომ კატალონიისთვის ძალიან მნიშვნელოვანი იქნება, თუ კვირას დანიშნულ რეფერენდუმზე მსოფლიოს წინაშე პასუხისმგებელი და ერთიანი სახით წარდგებიან, მაშინაც კი, თუ მათ ხმის მიცემის საშუალება არ ექნებათ...
მათი თქმით, ეს არჩევნები კი არა, ერთიანობის მშვიდობიანი დემონსტრაცია იქნება, ყოველგვარი წინააღმდეგობისა და ძალადობის გარეშე... "თუ საარჩევნო უბანზე არ დაგიშვებენ, ამას არავითარ შემთხვევაში არ უპასუხოთ ძალადობით", - ნათქვამია კატალონიის ეროვნული ასამბლეის მომხრეების მიერ გავრცელებულ განცხადებაში. მათივე თქმით, უზარმაზარი რიგი იქნება და მილიონობით ადამიანი, ბიულეტენებით ხელში, ძალიან შთამბეჭდავ სურათს შექმნის...
ქვეყნის პრემიერ-მინისტრმა მარიონო რახოიმ კატალონიის ლიდერებისგან რეფერენდუმის გაუქმება მოითხოვა, თუმცა, ისინი დანებებას არ აპირებენ, - "თუ მართლა ზრუნავთ კატალონიელების კეთილდღეობაზე, შეწყვიტეთ რადიკალიზმისა და დაუმორჩილებლობის ესკალაცია. ჯერ კიდევ არის დრო, თავიდან ავიცილოთ დიდი პრობლემები. ამ დაძაბულობის გამო მოგებული ვერავინ დარჩება. თქვენ ძირს უთხრით კანონიერებასა და სამართლიანობას" - უპასუხეს კატალონიის ლიდერებმა.
აღსანიშნავია, რომ რეფერენდუმის ჩატარების ინიციატორ ორივე ჯგუფს - "კატალონიის ეროვნულ ასამბლეას" და "ომნიუმს" - მშვიდობიანი პროტესტის დიდი გამოცდილება აქვს, თუმცა, სამოქალაქო არეულობის შექმნის საფრთხე მაინც არსებობს და ეს არიან უცხოელი ანარქისტული ჯგუფები, რომლებიც, ადგილობრივი მედიის ცნობით, უკვე ბარსელონაში იმყოფებიან.
ესპანეთის პოლიცია ხვალინდელი დღისთვის უკვე თადარიგს იჭერს, - კენჭისყრის აღსაკვეთად და უსაფრთხოების შესანარჩუნებლად, სხვა რეგიონებიდან მობილიზებულია 4 000-მდე პოლიციელი. ისინი რეგიონში დისლოცირებულ 5 000 მუშაკს და 17 000 ადგილობრივ პოლიციელს შეუერთდებიან.
კატალონიას თავისი კულტურა და ენა აქვს. აქ ყოველ წელს იმართება აღლუმი 1714 წლის 11 სექტემბერს ბარსელონის ალყის დასრულების აღსანიშნავად, რამაც მაშინ კატალონიის ავტონომიის დაკარგვა გამოიწვია.
გამონაკლისი არც წელს ყოფილა - წელს მილიონამდე ადამიანი გავიდა ქუჩაში, რათა აღენიშნა მორიგი წლისთავი და დამოუკიდებლობა მოეთხოვა. კატალონიის ესპანეთისგან გამოყოფის საპროტესტო მუხტი 2008 წლის ეკონომიკური კრიზისის შემდეგ დაიწყო; ესპანეთის საკონსტიტუციო სასამართლოს 2010 წლის გადაწყვეტილებამ, უარი ეთქვათ კატალონიის ავტონომიის გაფართოებისთვის, ეს მუხტი კიდევ უფრო გაზარდა და საბოლოოდ, რეფერენდუმის ჩატარების მოთხოვნამდე მივიდა...
ასე რომ, შეიძლება ითქვას, ხვალ ესპანეთის უახლეს ისტორიაში ახალი ეპოქა იწყება, თუმცა, რას მოუტანს მას ხვალინდელი დღე, ჯერჯერობით უცნობია...
ლალი პაპასკირი
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
