"ნებულა" - ონლაინკურსების პლატფორმა, რომელიც მოსწავლეს უმაღლეს ქულამდე მისასვლელ გზას ინდივიდუალურად ურჩევს

სარეკლამო სააგენტო "ლივინგსტონის" ორ თანამშრომელს გიორგი ჭილაიასა და სანდრო დოლიძეს გაუჩნდათ იდეა, რომ შეექმნათ ონლაინკურსები აბიტურიენტებისთვის. იდეა "ლივინგსტონს" გააცნეს და სწორედ ამ კომპანიის ინვესტიციითა და დახმარებით ჩაეყარა საფუძველი "ნებულას"  2016 წელს.

"ონლაინ განათლება მთელ მსოფლიოში პოპულარულია და გვსურდა, რომ საქართველოშიც დაგვემკვიდრებინა. სირთულეების მიუხედავად, ეს წარმატებით გამოგვდის. ჩვენი რწმენაა, რომ დღეს ნამდვილი "როკსტარი" ისაა, ვისაც სწავლა უყვარს. სახელიც ასე შევარჩიეთ - ნებულა კოსმოსური ობიექტია, რომელიც ქმნის ვარსკვლავებს," - განმარტავს "ნებულას" ერთ-ერთი დამფუძნებელი გიორგი ჭილაია.

მომიყევით "ნებულას" შეთავაზებების შესახებ

"ნებულა"გონიერი ონლაინპლათფორმა, რომელიც აბიტურიენტებს საგამოცდო საგნებში თანამედროვე გზით მომზადებას სთავაზობს. ამჟამად "ნებულას" პლათფორმაზე ხელმისაწვდომია ზოგადი უნარებისა და ქართული ენისა და ლიტერატურის ზოგადი კურსები. ეს პლატფორმა ითავსებს კერძო პედაგოგის როლს, რადგანაც მომხმარებელს სთავაზობს ვიდეო გაკვეთილებს, სავარჯიშოებს და გამოცდის სიმულაციებსსისტემა თითოეულ მოსწავლეს უმაღლეს ქულამდე მისასვლელ უმოკლეს გზას ინდივიდუალურად ურჩევს.ახლო მომავალში ნებულას დაემატება ფიზიკის კურსიც.

- რა არის "ნებულას" უპირატესობები სწავლების ტრადიციულ მეთოდებთან შედარებით?

- სწავლების ტრადიციული მეთოდისგან განსხვავებით, ნებულა არის ონლაინპლათფორმა, შესაბამისად, აბიტურიენტებს შეუძლიათ სახლიდან გაუსვლელად იმეცადინონ და გააკეთონ სავარჯიშოები. თოთოეულ სავარჯიშოს ვიდეოახსნააქვს.ვიდეოგაკვეთილების, სავარჯიშოებისა და სიმულირებული ტესტირებების გარდა, საიტზე ხელოვნურ ინტელექტს, A.I IA-საც შეხვდებით, რომელიც ხვდება, რა არ იცის მოსწავლემ და ამის მიხედვით წყვეტს, როგორ მიიყვანოს უმაღლეს ქულამდე. ზოგადად, ონლაინგანათლება საქართველოში სიახლეს წარმოადგენს, ამიტომ რთულია, ბაზარზე თავის დამკვიდრება, თუმცა ნებულას მომხმარებელთა რაოდენობა ყოველწლიურად 300%-ით იზრდება.

- რამდენად წარმატებულები არიან თქვენი მოსწავლეები?

- "ნებულას" აბიტურიენტების 100% წარმატებით აბარებს ეროვნულ გამოცდებს, ხოლო 27% ზოგადი უნარების გამოცდაში იღებს 70 ქულაზე მეტს.

- რამდენია"ნებულას" სასწავლო კურსების ღირებულება?

- ამჟამად ზოგადი უნარების კურსი 200, ხოლო ქართული ენისა და ლიტერატურის კურსი 300 ლარი ღირს. ამ ფასად აბიტურიენტებს შეუძლიათ, მთელი წლის განმავლობაში ისარგებლონ ჩვენი პლათორმით.

- თქვენი პროექტია "სუპერნოვა", რომელსაც საქართველოს პრეზიდენტის ადმინისტრაციასთან თანამშრომლობით ახორციელებთ. მომიყევით მის შესახებ

- წელს"ნებულამ" აბიტურიენტებს ახალი პროექტი "სუპერნოვა" შესთავაზა. "სუპერნოვა" არის ზოგადი უნარების ოლიმპიადა, რომელში მონაწილეობითაც მოსწავლეები იღებენ გამოცდილებას და ემზადებიან ეროვნული გამოცდებისთვის. ამავდროულად, მათ შანსი აქვთ, სხვადასხვა პრიზებიმოიგონ.

კიდევ ერთი პროექტი, რომელსაც ოქტომბრიდან დავიწყებთ ბიზნესისა და ტექნოლოგიების უნივერსიტეტთან თანამშრომლობით განხორციელდება. ეს იქნება ზოგადი უნარების მოსამზადებელი ფაკულტეტი აბიტურიენტებისთვის.

- თქვენ ბიზნესდაჯილდოება 2017-ში მონაწილეობთ. რატომ გადაწყვიტეთ მონაწილეობა?

- "თიბისი ბანკის" მიერ ორგანიზებულ "ბიზნესდაჯილდოებაში" წლის ინოვაციური ბიზნესის ნომინაციაში ვმონაწილეობთ. ჩვენ მართლაც ინოვაციურ სერვისს ვთავაზობთ აბიტურიენტებს, რომელთა 100% კმაყოფილია შედეგით. სწორედ ამიტომ გადავწყვიტეთ დაჯილდოებაში მონაწილეობა.

R