მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
კვირა, მთვარის მეორე დღე დაიწყება 07:11-ზე, მთვარე ვერძშია
კარგი დღეა ნებისმიერი საქმის დასაწყებად; ფინანსური საკითხების მოსაგვარებლად; ვაჭრობისთვის. არ იკამათოთ, გადადეთ სასამართლო საქმეები. კარგ დღეა შემოქმედებითი და სამეცნიერო საქმეებისთვის. სწავლისთვის და გამოცდების ჩასაბარებლად. უფროსთან შეხვედრა სიკეთეს არ მოგიტანთ. კარგი დღეა საქმიანობის, სამსახურის შესაცვლელად. თამამად გაემგზავრეთ სამოგზაუროდ, მივლინებაში. სხვა დღისთვის გადადეთ ნიშნობა და ქორწინება. შეამცირეთ ალკოჰოლისა და სასმლის დოზა. მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე; აგრეთვე დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
სპეციალისტები ზაფხულში ლეიშმანიოზით ინფიცირების შემთხვევების გამოვლენას შემოდგომაზე ვარაუდობენ და მოსახლეობას რეკომენდაციებით მიმართავენ
04:48 / 13-09-2017
ზაფხულის პერიოდში ლეიშმანიოზით ინფიცირების შემთხვევების გამოვლენას სპეციალისტები შემოდგომის ბოლოს ვარაუდობენ.
როგორც "ინტერპრესნიუსს" დაავადებათა კონტროლისა და საზოგადოებრივი ჯანმრთელობის ეროვნული ცენტრის ინფექციურ დაავადებათა სამსახურის უფროსმა ხათუნა ზახაშვილმა განუცხადა, ლეიშმანიოზის შემთხვევების მატების ტენდენცია ჯერჯერობით არ შეინიშნება, რადგან დაავადებას რამდენიმეთვიანი ინკუბაციის პერიოდი ახასიათებს. ამდენად, სპეციალისტები ზაფხულის პერიოდში ინფიცირების შემთხვევების გამოვლენას ნოემბრის ბოლოდან ელოდებიან.
ზახაშვილის თქმით, ლეიშმანიოზით უმთავრესად ბავშვები ავადდებიან. დაავადება ძლიერი ცხელებით მიმდინარეობს და თვითნებური მკურნალობა დაუშვებელია.
"ბავშვთა ასაკში ეს არის გაურკვეველი ტიპის, უმთავრესად ცხელებით მიმდინარე დაავადება, რომლის დროსაც ხშირად დიაგნოზის დასმა ძნელია. დიაგნოზი მხოლოდ ლაბორატორიული დიაგნოსტიკის საფუძველზე ხდება. ამდენად, ექიმისადმი დროული მიმართვა და გამოკვლევის ჩატარება აუციელებელია. არასწორი მკურნალობისას ცხელების ეპიზოდები მეორდება და ბავშვის მდგომარეობა უარესდება. მოზრდილებში კი შემთხვევები იშვიათად ფიქსირდება", – განაცხადა ზახაშვილმა.
სპეციალისტები მოუწოდებენ მშობლებს, ბავშვებში ცხელებით მიმდინარე დაავადების გამოვლენისთანავე, სწორი დიაგნოსტიკისა და სწორი მკურნალობისთვის ექიმს დროულად მიმართონ. ასეთ შემთხვევაში, სპეციალისტი გაარკვევს რესპირაციულია, ენტერო ვირუსი თუ პარაზიტული დაავადება.
მისივე თქმით, სექტემბერში თბილი ამინდების გამო, ლეიშმანიოზის გადამტანების აქტივობა შესაძლოა თვის ბოლომდე გაგრძელდეს. ასე რომ, დაავადებით ინფიცირების რისკი ჯერ კიდევ არსებობს.
ზახაშვილი მოსახლეობას პროფილაქტიკის მიზნით გადამტანებისგან თავის დაცვისკენ მოუწოდებს.
"ლეიშმანიოზის გადამტანი პატარა მწერები, ფლებოტომუსებია, რომელიც უმთავრესად დაავადებულ ცხოველებს ახვევია. ქალაქის პირობებში ეს არის ძაღლები, რომელთაც დაავადება ვიზუალურადაც ემჩნევათ. კანზე აქვთ მოვერცხლისფრო ქერცლი და ბეწვი ცვივათ. პროფილაქტიკისთვის აუცილებელია ასეთი ძაღლების იმ ტერიტორიიდნ გაყვანა, სადააც ადამიანები, განსაკუთრებით ბავშვები იმყოფებიან. ასევე, საცხოვრებელი სივრცე ფლებოტომუსების შესვლისა და დაკბენისგან მაქსიმალურად უნდა იყოს დაცული", – განაცხადა ზახაშვილმა.
მისივე თქმით, ლეიშმანიოზის შემთხვევები ძირითადად თბილისში და აღმოსავლეთ საქართველოში ფიქსირდება, თუმცა ერთეული შემთხვევები იმერეთშიც გამოვლინდა. 2017 წელს სულ 23 შემთხვევაა რეგისტრირებული, რაც 2016 წელს ინფიცირების შედეგია.
"წლების წინ წელიწადში ლეიშმანიოზის ასეულზე მეტი, 100-დან 180 შემთხვევამდე ფიქსირდებოდა. 2015-16 წლებში – 63-53 შემთხვევა გამოვლინდა. შემთხვევების კლება, სავარაუდოდ, ცხოველთა უკეთესი მოვლის პირობებს უკავშირდება", – აღნიშნა ხათუნა ზახაშვილმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
