მნიშვნელოვანი ინფორმაცია
2
ივნისიდღის ზოგადი ასტროლოგიური პროგნოზი
ორშაბათი, მთვარის მეშვიდე დღე დაიწყება 11:53-ზე, მთვარე ქალწულს ესტუმრება 07:02-ზე – კარგია მოლაპარაკებების წარმოება. ახალი კავშირების დამყარება. სარეკლამო კამპანიების, კონფერენციების და მსგავსი ღონისძიებების ჩატარება. გამოიყენეთ სიტყვები პარტნიორების, ინვესტორების და სპონსორების დასარწმუნებლად. ბიზნესმენებმა ხელი უნდა შეუწყონ და დააფინანსონ შემოქმედებითი ადამიანები. ბევრმა მუშაობამ შეიძლება გამოიწვიოს გადაღლილობა. უმჯობესია თავი შეიკავოთ დიდი რაოდენობით ქონის, ლორის, ქაშაყის, დამუშავებული ყველის და მსგავსი პროდუქტების მიღებაზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ქართული ანბანი მაისურებზე - სტარტაპი, რომელიც ქართული დამწერლობის პოპულარიზაციას უწყობს ხელს
03:34 / 08-09-2017
მაისურები და აქსესუარები ქართული ანბანის გამოსახულებით - ასეთია ახალი ქართული სტარტაპის "ანბანი Anbani" შეთავაზება, რომელიც საკმაოდ დიდ ინტერესსა და გამოხმაურებას იწვევს როგორც ქართველებში, ისე უცხოელებში.
სტარტაპს ორი დამფუძნებელი ჰყავს - 28 წლის ქეთი გეგიძე, რომელიც სახელმწიფო უწყებაში მუშაობს და ყოველთვის უნდოდა შეექმნა რაიმე ახალი და განსხვავებული და 29 წლის თემუკა ლეჟავა, რომელიც 26 წელი იაპონიაში ცხოვრობდა და ახლა სამშობლოში დაბრუნებული ქართული პროდუქტის საზღვრებს გარეთ გატანას ცდილობს.
"გვინდოდა შეგვექმნა ისეთი პროდუქტი, რომელიც მიმზიდველი იქნებოდა, როგორც ქართველისთვის, ასევე უცხოელისთვის თავისი ქართული მოტივებიდან გამომდინარე. ამ მიზნით ერთ-ერთი მთავარი ქართული კულტურული მემკვიდრეობის პოპულარიზაცია გადავწყვიტეთ უფრო თანამედროვე კუთხით და სხვადასხვა აქსესუარზე ქართული ანბანი დავიტანეთ. ეს ერთგვარ გამოწვევასავით გამოვიდა. მომხმარებელი ინტერესდება როგორ გამოიყურება მისი სახელის ინიციალი. შესაბამისად, ავტომატურად ერთვება ქართული ანბანის უკეთესად აღქმის პროცესში. მაისურებს ხშირად საჩუქრად ყიდულობენ და სხვაც ამ პროცესის მონაწილე ხდება," - განმარტავს სტარტაპერი ქეთი გეგიძე.
ამჟამად სტარტაპი მომხარებელს ტანსაცმლისა და ჩანთების განსხვავებულ ასორტიმენტს სთავაზობს. თუმცა ყველაზე მოთხოვნადია "ანბანის" თავდაპირველი პროდუქტი - მაისური, რომელიც ქართული ასომთავრული და მხედრული ანბანითაა გაფორმებული.
"ანბანის თემა ძალიან აქტუალური გახდა ბოლო ხანებში. თითქოს უფრო დავაფასეთ ჩვენი კულტურული მემკვიდრეობა. ჩვენი უნიკალური დამწერლობა განსაკუთრებით ლამაზი და ესთეტიურია. ეს არის ის თემა, რომლითაც შეიძლება დაინტერესდეს როგორც ქართველი, ასევე უცხოელი, განურჩევლად სქესისა და ასაკისა. ძალიან გვიხარია, რომ ჩვენი მოლოდინი გამართლდა -არაერთხელ შეგვიმჩნევია საზღვრებს გარეთ უცხოელები ჩვენი მაისურებით, რაც ძალიან გვახარებს და უფრო მეტ სტიმულს გვმატებს," - აღნიშნავს ქეთი გეგიძე.
"ანბანის" პროდუქციის შეძენა შესაძლებელია როგორც ონლაინ, ასევე, "ბიბლუსის" რამდენიმე მაღაზიაში. სტარტაპერები სამომავლოდ საკუთარი ვებგვერდის შექმნასაც აპირებენ, რაც მომხმარებელს შესაძლებლობას მისცემს, ანბანის დიზაინით მისთვის სასურველი ტანსაცმელი სახლიდან გაუსვლელად შექმნას და შეიძინოს.
#სტარტაპერი #გვეამაყები
ფოტოები: Advan/ედვენი
ნანა მღებრიშვილი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რუსეთ-უკრაინის პირდაპირი სამშვიდობო მოლაპარაკებების მეორე რაუნდი დღეს, კვლავ სტამბოლში შედგება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
