30
მაისიდღის ზოგადი ასტროლოგიური პროგნოზი
კოკა გუნცაძე "ალიანსს" "გარანტირებული დამარცხების დაგეგმვაში" ადანაშაულებს.
"ალიანსიდან" წასვლის შემდეგ კოკა გუნცაძემ "დაიცავი საქართველოს" ოფისში პირველი განცხადება გააკეთა.
მისი თქმით, ყოველთვის მიაჩნდა, რომ ქვეყანას მართავს რეპრესირებული რეჟიმი და ამ რეჟიმის დამსხვრევა შესაძლოა მხოლოდ ოპოზიციური ერთობით.
"არჩევნები ყოველთვის დარჩება დღის წესრიგის აუცილებელ შემადგენელ ნაწილად, მაგრამ მოცემულ პირობებში გამარჯვება შესაძლებელი იყო მხოლოდ ერთიანობით, ერთიანი ფრონტით და კანდიდატით. "ალიანსმა" ვერ უზრუნველყო ერთიანობა, საერთო ეროვნული თანხმობა და თავად არ აღმოაჩნდა საკმარისი ძალა, რათა ჩამოყალიბებულიყო ხელისუფლების ალტერნატივად", – აღნიშნა კოკა გუნცაძემ.
მისივე თქმით, არასოდეს მოუთხოვია გარანტირებული გამარჯვება, მაგრამ არასოდეს გახდებოდა გარანტირებული დამარცხების ნაწილი.
"შეიძლება, დამარცხდე ღირსეულად, უთანასწორო ბრძოლაში, მაგრამ ფაქტია, არ შეიძლება დაგეგმო დამარცხება და ხალხს გამარჯვებას დაპირდე. მით უმეტეს, მე ვერ გავხდებოდი მოდელირებული გამარჯვების ნაწილი. მთავარი, რასაც ვებრძოდით მე და ჩემი მეგობრები ამ ხნის პერიოდში, ეს იყო მუდმივი სიმულაცია და იმიტაცია ხელისუფლების მხრიდან", – აღნიშნა გუნცაძემ.
კოკა გუნცაძის თქმით, ხალხს ყველამ უნდა აუხსნას, რომ თუ არჩევნები გაყალბდა, რატომ არის ის დემოკრატიისკენ გადადგმული ნაბიჯი; თუ არჩევნები ფალსიფიცირებული არ არის, მაშინ რატომ აქვს თბილისში "ალიანსს" ამომრჩეველთა ხმების 19%, ხოლო საქართველოში - 9% და შესაბამისად, ოპოზიციურად განწყობილი თბილისის ხელისუფლებისთვის ჩაბარება რატომ არის გამოცხადებული გამარჯვებად.
