მნიშვნელოვანი ინფორმაცია
3
ივნისიდღის ზოგადი ასტროლოგიური პროგნოზი
სამშაბათი, მთვარის მერვე დღე დაიწყება 13:13-ზე, მთვარე ქალწულშია – დღეს დაწყებული და დაგეგმილი ყველაფერი გაცილებით ნელა მიმდინარეობს, ვიდრე ჩვენ გვსურს. შესაძლებელია მოვლენების მოულოდნელი შემობრუნება, კონფლიქტები და საგანგებო სიტუაციები. რეკომენდებულია კრეატიული მიდგომები ძველი პროექტების განსახორციელებლად. მოაგვარეთ მხოლოდ მცირე ფინანსური საკითხები. მოძებნეთ ახალი პარტნიორები. ინდივიდუალურად იმუშავეთ. შეზღუდეთ კოლექტიური მუშაობა. შეგიძლიათ დაიცვათ მარხვა, შესაფერისია მსუბუქი საკვები, მარცვლეული და თევზი. ალკოჰოლი და ნიკოტინი უკუნაჩვენებია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ქრთამის აღებისთვის დაკავებული ოთარ აბესაძე პატიმრობაში რჩება: "როცა მიმართა სასამართლოს, ცრემლიანი იყო"
09:16 / 05-09-2017
ქრთამის აღების ბრალდებით დაკავებული თბილისის მერიის ყოფილი თანამშრომელი ოთარ აბესაძე პატიმრობაში რჩება. მოსამართლემ არ დააკმაყოფილა დაცვის მხარის შუამდგომლობა ჯანმრთელობის მდგომარეობის გამო ბრალდებულისთვის აღკვეთის ღონისძიების, პატიმრობის შეცვლის თაობაზე. ადვოკატები აბესაძის გათავისუფლებას ითხოვდნენ, რის არგუმენტადაც მის ჯანმრთელობის მდგომარეობას ასახელებდნენ. დაცვის მხარემ სასამართლოს აბესაძის ჯანმრთელობის მდგომარეობის დამადასტურებელი დოკუმენტიც წარუდგინა. ამის მიუხედავად, სასამართლომ არ გაიზიარა აბესაძის ადვოკატების ლილი გელაშვილისა და ირმა ჭკადუას არგუმენტები და ბრალდებული პატიმრობაში დატოვა.
მოსამართლემ საკმარისად მიიჩნია პროკურატურის მიერ სასამართლოში წარდგენილი მტკიცებულებები და საქმე არსებითად განსახილველად, თბილისის საქალაქო სასამართლოს სისხლის სამართლის კოლეგიას გადასცა.
დაკავებულის ადვოკატმა ირმა ჭკადუამ ჟურნალისტებს განუცხადა, რომ აბესაძემ სასამართლოს დღესაც მიმართა და ემოციურ ფონზე ცრემლები ვერ შეიკავა.
"ფსიქო-ემოციური მდგომარეობა მძიმეა. ბოლოს როცა მიმართა სასამართლოს, ცრემლიანი იყო. დღესაც ასე იყო. სასამართლოს უთხრა, რომ ახალგაზრდა ასაკში ცხოვრება ჩამოენგრა თავზე", - განაცხადა ჭკადუამ.
ამასთან, ადვოკატის ინფორმაციით, მოსამართლემ საქმეს ის სამედიცინო ბარათი და მოწმეთა სია დაურთო, რომელიც დაცვის მხარემ წარუდგინა. ირმა ჭკადუას განცხადებით, სასამართლოში დაცვის მხარის მიერ დასაკითხი მოწმეები დაადასტურებენ, რომ ოთარ აბესაძეს ქრთამი არ მოუთხოვია არავისთვის და არც არავისგან აუღია.
რაც შეეხება აღკვეთის ღონისძიებას, ადვოკატის თქმით, დაცვის მხარე პირველ არსებით სხდომაზეც დააყენებს ოთარ აბესაძის პატიმრობიდან გათავისუფლების შუამდგომლობას.
"იმედს ვიტოვებთ, 19 სექტემბრის სხდომაზე წარვუდგენთ სასამართლოს იმ ახალ გარემოებას, რომელიც აბესაძის პატიმრობიდან გათავისუფლების საფუძველი გახდება", - აღნიშნა ჭკადუამ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აფეთქება, ამჯერად წყალქვეშ - თავდასხმა ყირიმის ხიდზე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
