მნიშვნელოვანი ინფორმაცია
4
ივნისიდღის ზოგადი ასტროლოგიური პროგნოზი
4 ივნისი, ოთხშაბათი, მთვარის მეცხრე დღე დაიწყება 14:30-ზე, მთვარე სასწორში გადავა 17:41-ზე – დღის ენერგია უარყოფითად მოქმედებს ადამიანებზე. პროვოკაციების დღეა, უფრთხილდით მოტყუებას და ცდუნებებს, იყავით მოკრძალებული. ცოტა დაისვენეთ, აღიდგინეთ ძალა. მოუფრთხილდით პირად ნივთებს. იყავით თავშეკავებული და ტოლერანტული სამსახურში, კომუნიკაციაში, ეცადეთ არავის ანაწყენოთ. არ მიიღოთ მონაწილეობა სარისკო საქმიანობაში. არ არის რეკომენდებული ბიზნესის დაწყება, პრეზენტაციებსა და გასართობ ღონისძიებებზე დასწრება, ხელშეკრულებების გაფორმება. საბუთების შედგენა. აქტიური ორგანოებია: თირკმელები, შარდის ბუშტი, გამომყოფი სისტემა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
როგორი თამადაა ზალიკო ბერგერი და რომელია მისი საყვარელი სადღეგრძელო: "მაგარია ჩოხოსნებთან ქეიფი..."
10:25 / 04-09-2017
დიზაინერი ზალიკო ბერგერი მუდმივად საზოგადოების ყურადღების ცენტრშია. მისი ფეისბუქ-ვიდეო, რომელიც რამდენიმე დღის წინ გავრცელდა სოციალურ ქსელში, განხილვის საგნად იქცა - არაფხიზელ მდგომარეობაში მყოფი დიზაინერის რეპლიკებმა და საუბრის თემამ, მაყურებლის ორაზროვანი კომენტარები გამოიწვია (იხილეთ ვიდეო). როგორც აღმოჩნდა, იუმორით სავსე, ეპატაჟური და სკანდალური დიზაინერი ქართული სუფრის და ტრადიციების დიდი მოყვარული ყოფილა და როგორც თვითონ ამბობს, უთამადია კიდეც.
გთავაზობთ ამონარიდებს ზალიკო ბერგერის 2013 წლის ინტერვიუდან, რომელიც დიზაინერმა AMBEBI.GE-ს მისცა:
"ქართული სუფრა ნამდვილად მიყვარს, ეს ოჯახიდან მომდევს. ჩემებს სუფრასთან მოლხენა უყვართ, მაგრამ სასმელის უაზროდ დალევა - არა. რატომ უნდა დავლიო უაზროდ, როდესაც ქართველებმა შესანიშნავი ქეიფი და სადრეგრძელოები ვიცით. ისიც ყოფილა, რომ მითამადია კიდეც, მაგრამ ხშირი თამადა ვარ-მეთქი, ვერ ვიტყვი. ქორწილში გამოძახებით არ მითამადია! ასეთებიც ხომ არიან?…თან, რომ ვყოფილიყავი, ძალიან ძვირი ვიქნებოდი, სამაგიეროდ, დასამახსოვრებელი ქორწილი კი იქნებოდა... მითხარით, ვისზე ნაკლები თამადა ვიქნებოდი?
- ისიც ცნობილია, რომ ჩოხოსნებთან მეგობრობ და მათ ტრადიციულ სუფრას ხშირად სტუმრობ. რითი დაიმსახურე ამ ადამიანების პატივისცემა?
- ჩოხოსნებთან ვმეგობრობ. ისინი ნამდვილი, ტრადიციული ქართველები არიან და ტრადიციულ სუფრაზე მათთან ერთად ყოფნას რა სჯობს? სადრეგრძელოსაც შესაბამისი ხმის ტემბრითა და ლექსით შეზავებულს რომ ამბობენ. აბა, ისე კი არ არის, გაწელილი სადღეგრძელოები რომ იციან ხოლმე და უაზრო ლექსებს რომ ამბობენ. მათთან ასეთ რამეს ვერ ნახავ. მოკლედ, მაგარია ჩოხოსნებთან ქეიფი. დიდ სუფრაზე არა, მაგრამ შინაურობაში კი ავურჩევივარ თამადად. სისულელეებს არ ვილაპარაკობ და სუფრას წესის მიხედვით, თანმიმდევრულად მივყვები. აუცილებელი სადრეგრძელო არავის უნდა მოაკლო და თუკი ვინმეს რაიმე გამორჩეულის თქმა უნდა, ამის საშუალებაც უნდა მისცე.
- როგორც თამადა, მკაცრი ხარ?
- როცა სადღეგრძელოს ამბობ და იმ დროს სუფრის წევრები ლაპარაკობენ, ყაყანებენ და არ გისმენენ, შეიძლება შემოვუძახო... ვისაც ქართული სუფრა, ქეიფი არ უყვარს, მიმაჩნია, რომ ცუდად გაიზარდა. ეტყობა, მის სიახლოვეს ქართული ქეიფი არ ყოფილა.
პირველი "ფეშენ ვიკი" რომ ჩატარდა, მეც ვმონაწილეობდი, მერე სუფრასთან აღმოვჩნდი. იმ "ავთერ-ფართს" მთავრობის წევრებიც ესწრებოდნენ და იქ თამადობა მიკროფონით მომიხდა. ქართული "ფეშენის" თამადაო, - ჩემზე თქვეს.
- რამდენის დალევა შეგიძლია?
- ჩოხოსნებთან ახალი დამეგობრებული ვიყავი, რომ მათ სუფრასთან მოვხვდი. რამდენი სადღეგრძელოც დალიეს, მეც იმდენი შევსვი. ძალიან ბევრი დავლიეთ. მერე მათ მიეძინათ, მე ასე თუ ისე, ფხიზელი ვიყავი და ქეიფი სხვაგან გავაგრძელე... არა, ცოტას ნამდვილად არ ვსვამ. ღვინოს მხოლოდ ქართულ სუფრასთან გეახლებით, ისე კი უმეტესად ვისკის მივირთმევ.
- საყვარელი სადღეგრძელო თუ გაქვს?
- ბევრია ასეთი, განსაკუთებით კი, ალბათ, სიკეთის სადღეგრძელოს ვსვამ. ისე, ყველა ტრადიციული სადღეგრძელო კარგია.
- განსხვავებული სასმისების შესმა თუ გიყვარს?
- ერთ-ერთ გადაცემაში ჩემი ჩოხოსნებთან ქეიფი უნდა გადაეღოთ და რესტორანში შევიკრიბეთ. ღვინის ნაცვლად, მოდი, წყალი ჩავუსხათ, რომ არ დათვრესო, - თქვეს. რას ამბობთ, ღვინო ჩამისხით-მეთქი. მერე აღმოჩნდა, რომ ოპერატორმა რაღაც ვერ გადაიღო და კიდევ მომიწია მეორე ყანწის დალევა. მე მშვენივრად ვიყავი, მაგრამ კორესპონდენტი და ოპერატორი ისე დათვრნენ, რესტორნიდან ოთხით გავიდნენ... უცნაური სასმისი ბევრი მინახავს, მაგრამ ჩემთვის განსხვავებული დიდი ლუდის ბოთლი ყოფილა...
ლალი ფაცია
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აფეთქება, ამჯერად წყალქვეშ - თავდასხმა ყირიმის ხიდზე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
