მნიშვნელოვანი ინფორმაცია
2
ივნისიდღის ზოგადი ასტროლოგიური პროგნოზი
ორშაბათი, მთვარის მეშვიდე დღე დაიწყება 11:53-ზე, მთვარე ქალწულს ესტუმრება 07:02-ზე – კარგია მოლაპარაკებების წარმოება. ახალი კავშირების დამყარება. სარეკლამო კამპანიების, კონფერენციების და მსგავსი ღონისძიებების ჩატარება. გამოიყენეთ სიტყვები პარტნიორების, ინვესტორების და სპონსორების დასარწმუნებლად. ბიზნესმენებმა ხელი უნდა შეუწყონ და დააფინანსონ შემოქმედებითი ადამიანები. ბევრმა მუშაობამ შეიძლება გამოიწვიოს გადაღლილობა. უმჯობესია თავი შეიკავოთ დიდი რაოდენობით ქონის, ლორის, ქაშაყის, დამუშავებული ყველის და მსგავსი პროდუქტების მიღებაზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
შურისძიება ირანულად: მჟავის შესხმით წართმეული მომავალი და მსხვერპლების უმძიმესი ისტორიები
06:16 / 02-09-2017
ოფიციალური სტატისტიკის მიხედვით, ძალადობის საშინელი აქტი - სახეში მჟავის შესხმა, არნახული "პოპულარობით" სარგებლობს ირანში. მისი მსხვერპლები ძირითადად ქალები და ბავშვები ხდებიან. მსხვერპლის მსგავი მეთოდით დასჯა, არამხოლოდ უკონტროლო აგრესია ან შურისძიების სურვილია - "დამნაშავეს", ფაქტობრივად, მომავალს ართმევენ.
მსგავსი შურისძიების შედეგები: ქიმიური დამწვრობა, მხედველობის დაკარგვა, საშინელი იარები... ხშირად, ეს შემთხვევები ოჯახური კონფლიქტების დროს ხდება - უარი უთხრა ცოლობაზე, განქორწინებას ითხოვს.
ირანელი ფოტოგრაფი ასგან კამსეჰი, პორტრეტების სერიაში Fire of Hatred ("სიძულვილის ცეცხლი") მოგვითხრობს ადამიანების ისტორიებს, რომლებიც ნათესავებისა და ოჯახის წევრების თავდასხმის მსხვერპლი გახდნენ. ირანში არ არსებობს სახელმწიფო ან კომერციული ორგანიზაციები, რომლებიც მათ დაეხმარება. დამწვრობის მძიმე შედეგების მკურნალობა ქალებს დამოუკიდებლად უწევთ, ან მიმართავენ საქველმოქმედო ორგანიზაციებს. სამწუხაროდ, როგორც ეს ხშირად ხდება, სიკეთე ყველასათვის საკმარისი არ არის.
ირანული შურისძიების მსხვერპლთა შემზარავი ისტორიები
შირინ მოჰამადი - 18 წლის თეირანელი გოგონა, რომელმაც 2012 წლის 1 იანვარს უარი უთხრა მამაკაცს ცოლობაზე. შირინის საქციელი მამაკაცმა შეურაცხმყოფელად მიიჩნია და შური იძია - მჟავა შეასხა. ქალმა მარჯვენა თვალი და ყური დაკარგა, ძლიერ დაზიანებული აქვს პირი. ღმა დამწვრობა მიიღო მთელ სხეულზე, რამდენიმე ოპერაცია გადაიტანა, მაგრამ რეაბილიტაციის მძიმე პროცესი ჯერ არ დასრულებულა.
რაანა პორ ამრაი, 38 წლის, და ფატიმა კალანდარი, 8 წლის - დედა-შვილი ქალაქ ჰორემაბადში ცხოვრობს. რაანის მაზლი დარწმუნებული იყო, რომ ქალმა მისი ცოლი დაარწმუნა, განქორწინებულიყო. 2015 წლის ივლისში მან რაანაზე შური იძია, თითქოსდა დანგრეული ოჯახის გამო, და ქალს და მის შვილს მჟავა შეასხა. რაანას სახე ძლიერ დაუზიანდა, ფატიმას კი ზურგი და ხელები.
მაჰნაზ ქაზემი, 39 წლის - ამჟამად ქალი თეირანიდან 130 კილომეტრში, ქალაქ კუმში ცხოვრობს. მაჰნაზის ქმარი სისასტიკით ყოველთვის გამოირჩეოდა, ხშირად სცემდა ცოლს. ქალმა განქორწინება გადაწყვიტა. მუდმივი ძალადობის მიუხედავად, მაჰნაზი მაინც ძალიან ლამაზი იყო. ქმარმა კი მას ეს სილამაზეც წაართვა - მჟავა შეასხა....
მასუმეჰ აჰაი, 32 წლის, ქალაქი ისპაჰანი - 2008 წელს მასუმეჰი ქმარს გაშორდა. 2 წლის შემდეგ კი მამამთილმა შვილის გამო შური იძია და ქალს მჟავა შეასხა, რის შედეგადაც ქალმა მხედველობა დაკარგა.
ზივარ ფარვინი, 37 წლის - ქმრის სიკვდილის შემდეგ ზივარს ცოლობა მაზლმა სთხოვა. ქალმა მას უარი განუცხადა. 2011 წლის 9 ივლისს მაზლმა თავის პირველ ცოლთან ერთად ზივარსა და მის 18 წლის ქალიშვილს მჟავა შეასხეს, სანამ მათ ეძინათ. თავდასხმის შემდეგ 18 დღეში ქალიშვილი გარდაიცვალა. ზივარს მისი ფოტო უჭირავს ხელში.
მარიამ ზამანი, 38 წლის, და აზერო ჰაშემი, 13 წლის - დედა-შვილი თეირანელები არიან. 2010 წელს მარიამის ძმის ცოლმა მძინარე ქალს და მის 3 ქალიშვილს მჟავა შეასხა. მსგავსი სისასტიკე მხოლოდ შურით იყო ნაკარნახევი. ფოტოზე - მარიამი და ერთ-ერთი მისი ქალიშვილი აზერო.
მოჰსენ მორთაზავი, 34 წლის - 2012 წელს, პირველ სამუშაო დღეს მოჰსენს თავს კოლეგა დაესხა, რომელმაც მამაკაცს 3 ლიტრი მჟავა გადაასხა, შემდეგ კი დანით დაჭრა. თავდამსხმელი დარწმუნებული იყო, რომ მოჰსენმა მასზე იხუმრა და მსგავსი გზით შური იძია. მოგვიანებით გაირკვა, რომ მოჰსენს აზრადაც არ ჰქონია ვინმეზე ეხუმრა. მამაკაცი სიკვდილს გადაურჩა, მაგრამ სამუდამოდ დასახიჩრდა.
სომაიე მეჰრი, 29 წელი, ბამი - სომაეს "დანაშაული" იმაშია, რომ ქმართან განქორწინება მოინდომა. საპასუხოდ კი მასზე და მის ქალიშვილზე თავდასხმა მიიღო 2011 წელს. ორივემ მარჯვენა თვალი დაკარგა, 4 წლის შემდეგ კი სომაიე მძიმე ქიმიური დამწვრობის შედეგად გარდაიცვალა.
მოამზადა დუდანა ზაქარაიამ
AMBEBI.GE
ფოტო: Asghar Khamseh
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რუსეთ-უკრაინის პირდაპირი სამშვიდობო მოლაპარაკებების მეორე რაუნდი დღეს, კვლავ სტამბოლში შედგება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
