ხანძარი კახეთში - კოხტას მთის ფერდობზე ცეცხლის ჩაქრობაში ვერტმფრენი ჩაერთვება
კახეთში, კოხტას მთის ფერდობზე ხანძარია. საგანგებო სიტუაციების მართვის სააგენტოში ადასტურებენ, რომ ადგილზე დაკვამლიანება შეინიშნება. მათივე ცნობით, 112-ში შეტყობინება რამდენიმე ხნის წინ შევიდა და ტყისკენ მეხანძრე-მაშველთა რამდენიმე ჯგუფი მიემართება.
"ინტერპრესნიუსის" კორესპონდენტის ცნობით, ტყე ფოთლოვანია და საკმაოდ გაუვალი, რის გამოც მეხანძრე-მაშველებს ხანძრის კერამდე მისასვლელად რამდენიმე კილომეტრის გავლა ფეხით მოუწევთ.
ხანძრის ლოკალიზებაში სავარაუდოდ ავიაციაც ჩაერთვება.
როგორც "ინტერპრესნიუსს" თვითმმართველი თელავის მუნიციპალიტეტის გამგებელმა ალექსანდრე შათირიშვილმა განუცხადა, ამ დროისთვის ხანძრის ფართობზე საუბარი ნაადრევია, თუმცა ხანძარი ძალიან დიდი არ არის.
მისივე თქმით, ხანძარი მიუვალ ადგილას არის გაჩენილი და დაახლოებით 20-მდე მეხანძრე-მაშველი ადგილზე ფეხით მივიდა.
"მეხანძრეები ადგილზე იმყოფებიან და ველოდებით მათგან ინფორმაციას. მოვითხოვეთ ვერტმფრენი და სავარაუდოდ ჩაერთვება", - განაცხადა შათირიშვილმა.
ბამბის რიგში რესტორანი იწვის - ადგილზე 4 სახანძრო მუშაობს
დამწვარია 200-დან 250 კვ.მ ფართობი - რა ვითარებაა ბაზრობა "თერგის" ტერიტორიაზე
