5
ივნისიდღის ზოგადი ასტროლოგიური პროგნოზი
1997 წლის 31 აგვისტოს ტრაგიკული ღამე მსოფლიოს ალბათ დიდხანს არ დაავიწყდება: საღამოს, პარიზის Ritz-ში ვახშმის შემდეგ, უელსის პრინცესამ სასტუმრო კომპანიონთან - დოდი ალ ფაიედთან, მილიონერი ბიზნესმენის მოჰამედ ალ ფაიედის ვაჟთან ერთად დატოვა.
წყვილს, რომელიც ლიმუზინით გადაადგილდებოდა, პაპარაცები მოტოციკლებით დაედევნენ, რომ ლედი დის ახალი სიყვარული აღებეჭდათ კადრში. გადაჭარბებულმა სიჩქარემ ტრაგიკული ავარია გამოიწვია - 36 წლის პრინცესა დიანა საავადმყოფოში მიყვანისას გარდაიცვალა.
მეხანძრემ, რომელმაც პრინცესას პირველმა აღმოუჩინა დახმარება, შემთხვევის ადგილზე, დღეს განაცხადა, რომ დარწმუნებული იყო უელსის პრინცესას გადარჩენაში.
სერჟანტი ქსავიე გურმელონი ყვება, რომ პრინცესა დიანას უკანასკნელი სიტყვები იყო "ღმერთო ჩემო, რა მოხდა?". რამდენიმე წუთის შემდეგ მან გონი დაკარგა და მოგვიანებით საავადმყოფოში გარდაიცვალა. გურმელონი დეტალურად აღწერს ავტოკატასტროფის სცენას და ამბობს, რომ ის ფიქრობდა, დიანა გადარჩებოდა. 50 წლის კაცი ყვება, რომ მანქანიდან გადმოყვანილმა დიანამ მალე შეწყვიტა სუნთქვა, რის გამოც მან გულის მასაჟი გაუკეთა და პრინცესამ კვლავ დაიწყო სუნთქვა.
"მარჯვენა მხარზე მცირე დაზიანება ჰქონდა, მაგრამ ამის გარდა, შესამჩნევი ტრავმა არ აღენიშნებოდა. სისხლი საერთოდ არ მოსდიოდა. ვფიქრობდი რომ გადარჩებოდა. სანამ სასწრაფო მანქანაში იყო, ცოცხალი იყო. მოგვიანებით გავიგე, რომ საავადმყოფოში გარდაიცვალა..." - იხსენებს მეხანძრე.
მომზადებულია nzherald.co.nz-ს მიხედვით
