4
ივნისიდღის ზოგადი ასტროლოგიური პროგნოზი
"ფეისბუქის" შექმნელი მარკ ცუკერბერგი მეორე შვილის მამა გახდა. პრისცილა ჩანმა და მარკ ცუკერბერგმა ქალიშვილს August (ოგესტი, როგორც თვე აგვისტო) დაარქვეს. ამის შესახებ 33 წლის მილიარდერმა "ფეისბუქის" პირად გვერდზე დაწერა და ქალიშვილს ვრცელი წერილით მიმართა:
"პრისცილა და მე მოხარულები ვართ რომ ჩვენს ოჯახს ახალი წევრი, ქალიშვილი ოგესტი შეემატა. ჩვენ მას წერილი მივწერეთ, იმ სამყაროზე, რომელშიც გაიზრდება და იმედი გვაქვს, რომ ძალიან სწრაფად არ გახდება დიდი" - წერს ცუკერბერგი.
"ძვირფასო ოგესტ, მოგესალმებით ჩვენ სამყაროში. მე და დედაშენს ერთი სული გვაქვს ვნახოთ როგორი გაიზრდები. როდესაც შენი და გაჩნდა, წერილი მივწერეთ, სადაც იმედს გამოვთქვამდით, რომ უკეთეს სამყაროში გაიზრდებოდა, სამყაროში სადაც იქნებოდა უკეთესი განათლება, ნაკლები დაავადებები, ძლიერი საზოგადოებები და თანასწორობა. ჩვენ დავწერეთ, რომ მთელი ამ სამეცნიერო და ტექნოლოგიური უპირატესობებით, თქვენი თაობა გაცილებით უკეთეს სამყაროში უნდა ცხოვრობდეს და ჩვენ გვეკისრება პასუხისმგებლობა რომ ეს ავასრულოთ. მიუხედავად იმისა, რომ ხშირად გაზეთების სათაურებში ნეგატიური ამბები ჟღერს, ჩვენ კვლავ გვწამს, რომ პოზიტივი გაიმარჯვებს. ჩვენი ოპტიმისტურად ვიყურებით თქვენი თაობისკენ და მომავლისკენ.
მაგრამ იმის ნაცვლად, რომ გაზრდის შესახებ ვწეროთ, ჩვენ გვინდა ბავშვობაზე გესაუბროთ. სამყარო სერიოზული ადგილია. ამიტომაა მნიშვნელოვანი დრო გამონახო, გარეთ გახვიდე და ითამაშო.
როდესაც გაიზრდები, დაკავებული იქნები, ამიტომ იმედი მაქვს შეძლებ ყველა ყვავილის სურნელი შეიგრძნო და ყველა ფოთოლი მოაგროვო, რომელიც გსურს. იმედი მაქვს შენ საყვარელ დოქტორ სიუს წიგნს იმდენჯერ წაიკითხავ, რომ საკუთარი ისტორიების გამოგონებას დაიწყებ. იმედი მაქვს, იმდენჯერ შემოირბენ ჩვენ სასტუმრო ოთახს და ბაღს, რამდენჯერაც გაგიხარდება. იმედი მაქვს, რომ ბევრს გამოიძინებ. იმედი მაქვს, რომ ძილი გეყვარება... და იმედი მაქვს, რომ შენ სიზმრებშიც კი იგრძნობ იმას თუ როგორ გვიყვარხარ.
ბავშვობა მაგიურია. ბავშვობა ერთხელ გვეძლევა, ამიტომ მისი მომავალზე ფიქრში გატარება არ შეიძლება. ამისთვის ჩვენ გყავართ და ჩვენ ყველაფერს გავაკეთებთ, რომ სამყარო უკეთესი გავხადით შენთვის და შენი თაობის ყველა ბავშვისთვის.
ოგესტ, ძალიან გვიყვარხარ და მღელვარებას ვერ ვმალავთ შენთან ამ მოგზაურობაში ჩაბმის გამო. გისურვებთ სიხარულით, სიყვარულით იმედით სავსე ცხოვრებას. გვიყვარხარ, დედა და მამა" - წერს მარკ ცუკერბერგი.
მარკ ცუკერბერგი და პრისცილა ჩანი 2012 წელს დაქორწინდნენ. წყვილს ორი ქალიშვილი ჰყავს - მაქსი და ოგესტი.
