აპლიკაცია "Sarahah" თქვენი ტელეფონიდან კონტაქტებს "იპარავს"

პოპულარული აპლიკაცია "Sarahah", რომლითაც ალბათ ბევრმა თქვენგანმა უკვე ისარგებლა, თავის მომხმარებლებთან გულახდილი არ აღმოჩნდა. აპლიკაცია მომხმარებლების საკონტაქტო ნომრებს კომპანიის სერვერებზე ტვირთავს, მაშინ როცა აპლიკაციას არ გააჩნია ფუნქცია, რომლითაც ამ მოთხოვნას უყენებს მომხმარებელს.

ინტერნეტუსაფრთხოების ანალიტიკოსმა ზაქარი ჯულიანმა შეამჩნია, რომ აპლიკაციამ მის ტელეფონში არსებული კონტაქტები მაშინვე გადაიწერა, როდესაც ინსტალაცია დასრულდა. "როგორც კი აპლიკაციაში რეგისტრირდები, ის შენს ყველა ელექტრონული ფოსტის და ტელეფონის კონტაქტებს თავის სერვერზე ტვირთავს" - ამბობს ზაქარი.

საპასუხოდ, "სარაჰაჰის" შემქმნელმა ზაინ ალაბდინმა ტვიტერში დაწერა, რომ აპლიკაცია კონტაქტებს მაშინ ითხოვს, როდესაც მომხმარებელს "მეგობრების ძიების" ფუნქციის გააქტიურება სურს. "ჩვენი ბაზა ამჟამად კონტაქტებს არ ინახავს და ამის მოთხოვნის ფუნქციაც შემდეგ აპლიკაციის განახლებაზე წაიშლება" - განაცხადა ზაინმა.

ეს პირველი შემთხვევა არ არის, როდესაც უფასო აპლიკაცია მომხმარებლების ტელეფონის კონტაქტებზე წვდომას ითხოვს. თუმცა ამ შემთხვევაში, "სარაჰაჰს" არანაირი საჭიროება არ აქვს რომ მასე მოიქცეს. აგვისტოს მონაცემებით აპლიკაციას 62 მილიონზე მეტი მომხმარებელი იყენებს.

მომზადებულია moneycontrol.com-ს მიხედვით