გია ვოლსკი - ხანძრების სერია დაიწყო საოკუპაციო ხაზის გაყოლებაზე ე.წ. ანტისახანძრო ხნულების გავლების შემდეგ

ხანძრების სერია დაიწყო საოკუპაციო ხაზის გაყოლებაზე ე.წ. ანტისახანძრო ხნულების გავლების შემდეგ, - ამის შესახებ საპარლამენტო უმრავლესობის ერთ-ერთი ლიდერი, გია ვოლსკი სოციალურ ქსელ "ფეისბუქში", ბოლო დროს გახშირებულ ხანძრებთან დაკავშირებით წერს.

ვოლკი მიიჩნევს, რომ დივერსიის რეალობაზე ფიქრის საფუძველი არსებობს.

"ნაჩქარევი დასკვნები არაა მიზანშეწონილი, თუმცა დივერსიის რეალობაზე ფიქრის და შესაბამისი მოქმედებების საფუძველი რეალურად არსებობს! ასეთ დროს საზოგადოების ყურადღებაც მნიშვნელოვანია. ძალები საკმარისია, ყველაფერი კარგად იქნება", - წერს დეპუტატი.