მნიშვნელოვანი ინფორმაცია
5
ივნისიდღის ზოგადი ასტროლოგიური პროგნოზი
ხუთშაბათი, მთვარის მეათე დღე დაიწყება 15:45-ზე, მთვარე სასწორშია – რეკომენდებულია საოჯახო ბიზნესის დაწყება. ოჯახთან დაკავშირებული ფინანსური საკითხების მოგვარება. მოლაპარაკებების წარმოება, კონტაქტების დამყარება. გააძლიერეთ კავშირები. გააუმჯობესეთ ოჯახური ურთიერთობები, აღადგინეთ ოჯახური ტრადიციები. კარგია სახლის აშენება ან გარემონტება. დღეს დაწყებული მოგზაურობა აუცილებლად წარმატებით დასრულდება. ზედმეტი არ მიირთვათ. კარგია მცენარეული ჩაის, ნატურალური წვენების დალევა და ბოსტნეულის კერძების ჭამა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ატენის ხეობაში თავდაცვის მინისტრი ჩავიდა - ხანძრის ჩაქრობაში 250 ჯარისკაცი ჩაერთვება
16:43 / 22-08-2017
უკვე რამდენიმე საათია შიდა ქართლში, გორის მუნიციპალიტეტის სოფელ ბოშურის მიმდებარე ტერიტორიაზე ტყეში გაჩენილ ხანძარს ებრძვიან.
რამდენიმე წუთის წინ შემთხვევის ადგილზე თავდაცვის მინისტრი ლევან იზორია ჩავიდა.
იზორიას განცხადებით, ცოტა ხნის წინ მიიღეს გადაწყვეტილება, რომ სალიკვიდაციო სამუშაოებში თავდაცვის უწყების შენაერთებმაც მიიღონ მონაწილეობა. შესაბამისად, რამდენიმე წუთში ბოშურის მიმდებარედ შემთხვევის ადგილზე სტიქიის ზონაში თავდაცვის სამინისტროს გორის პირველი ქვეითი ბრიგადის 250 ჯარისკაცს ელიან.
სტიქიის ზონა საკმაოდ რთულ რელიეფზე მდებარეობს, რის გამოც სპეციალური სატრანსპორტო საშუალებებით გადაადგილება ამ ტერიტორიაზე პრაქტიკულად შეუძლებელია. შესაბამისად, ხანძარს ძირითადად ქვეითები ებრძვიან.
უკვე რამდენიმე საათია სტიქიის ზონაში იმყოფებიან შიდა ქართლის გუბერნატორი კახა სამხარაძე, შსს-ს შიდა ქართლის სამხარეო დეპარტამენტის უფროსი კოტე ანანიაშვილი, ასევე ადგილობრივი ხელისუფლების პირველი პირები და შიდა ქართლში მოქმედი საგანგებო სამსახურების ხელმძღვანელები.
ამ დრომდე სალიკვიდაციო სამუშაოებს შსს-ს საგანგებო სიტუაციების მართვის შიდა ქართლის მეხანძრე მაშველები აწარმოებენ. რამდენიმე კერის ლოკალიზება ამ დროისთვის უკვე მოხერხდა, თუმცა აღნიშნულ ტყის მასივში კიდევ იჩინა თავი ერთმა კერამ.
ამ ეტაპზე ერთობლივად მიღებული გადაწყვეტილებით, მიიმდინარეობს სპეციალური თხრილების მოწყობა იმისთვის, რომ მოხდეს ცეცხლის შემდგომი გავრცელების თავიდან აცილება.
თავდაცვის სამინისტროს 250 კაციანი დანაყოფი სალიკვიდაციო სამუშაოებში რამდენიმე წუთში ჩაერთვება.
თავდაცვის მინისტრის, ლევან იზორიას განცხადებით, აღნიშნულ კერაზე ხანძრის სრული ლიკვიდაციის შემდეგ თუ ბორჯომის მიმდებარე ტერიტორიაზე ხვალისთვისაც შენარჩუნდება ხანძრის კერები, თავდაცვის უწყება დანაყოფების მობილიზებას აღნიშნულ ტერიტორიებზეც მოახდენს და შესაბამისად სალიკვიდაციო სამუშაოებში სამცხე-ჯავახეთის ტერიტორიაზე ჩაერთვება.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქართულ კომერციულ ბანკებში დაახლოებით 2 მილიარდი რუსული რუბლი ინახება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
