მნიშვნელოვანი ინფორმაცია
23
მაისიდღის ზოგადი ასტროლოგიური პროგნოზი
პარასკევი, მთვარის ოცდამეექვსე დღე დაიწყება 03:27-ზე, მთვარე ვერძშია – საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
სად "გაქრა" აფრიკაში ტყვედ ჩავარდნილი ქართველი სამხედრო
04:32 / 22-08-2017
ამდენი ხნის შემდეგ, ისევ გაურკვეველია კონგოს დემოკრატიულ რესპუბლიკაში (კდრ), საქართველოს შეიარაღებული ძალების ყოფილი მფრინავის, თადარიგის პოლკოვნიკის იოსებ ოსორაულის ბედი. მისმა ძმამ გია ოსორაულმა, 18 აგვისტოს მას იუბილე სოციალური ქსელით მიულოცა და სამშობლოში, თავის ოჯახთან და 4 მცირეწლოვან შვილთან მშვიდობით დაბრუნება უსურვა...
"მეამაყება, რომ ჩემი ძმაა... ვწუხვარ, რომ დღეს ღვთის ანაბარად არის დარჩენილი... ვწუხვარ, რომ არის ისეთი ქვეყნის შვილი, რომელსაც პატრონი არ ჰყავს... ვწუხვარ, რომ პროფესიული სიყვარულის გამო საქართველოდან წახვედი... ვწუხვარ, რომ მეტის გაკეთება არ შემიძლია... მეამაყები და მალე დაბრუნებას გისურვებ..." - წერს სოსო ოსორაულის ძმა.
სამწუხაროდ, დღემდე გაურკვეველია, ცოცხალია თუ არა ქართველი პოლკოვნიკი, ამ კითხვის გარშემო ისევ ვარაუდისა და ვერსიების დონეზე საუბრობენ მისი მეგობრები და ახლობლები.
ოსორაული ტყვედ 2017 წლის 27 იანვარს კდრ-ის მეამბოხეთა მოძრაობა "23 მარტის" მებრძოლებს ჩაუვარდა ხელში. კონგოში მყოფი მისი მეგობრების თქმით, ინფორმაცია, სოსოს გარდაცვალების შესახებ, იქამდე ისევ და ისევ არ მისულა. თუმცა, სოსომდე და სოსოს შემდეგ ტყვედ აყვანილებიდან, რამდენიმეს შესახებ, ინფორმაცია გავრცელდა.
"რამდენიმე გაასამართლეს კიდეც და მიუსაჯეს, ზოგის გათავისუფლებისთვის თანხა მოითხოვეს... დაღუპულებზეც გავრცელდა ინფორმაცია, სოსოზე - არაფერი ისმის... თუმცა, მეამბოხეთა ჯგუფებში გადასული სამხედროები, თავიანთ ძველ კოლეგებთან ურთიერთობას განაგრძობენ და სოსო დაღუპული რომ ყოფილიყო, ამასაც აუცილებლად გავიგებდით... "- ამბობენ ისინი.
სოსოს დაღუპვის ინფორმაციას არასარწმუნოდ მიიჩნევენ მისი ნათესავებიც. მათი თქმით, ის მეზობელ ქვეყანაშია გადაყვანილი. ეჭვს აძლიერებს ისიც, რომ მეამბოხეები მოთხოვნებს ცვლიდნენ, ოსორაულის გათავისუფლების სანაცვლოდ, ხან თანხას ითხოვდნენ, ხან კი, - კდრ-ს ხელისუფლებას მათი თანამებრძოლების, მათ სორის ერთ-ერთი გენერლის გათავისუფლებას სთხოვდნენ, რომელსაც ჰააგის სამხედრო დანაშაულობათა ტრიბუნალი ელოდება.
"ამერიკის ხმის" ინფორმაციით, მეამბოხეთა "პრეზიდენტი" ბერტანდ ბისიმვა, რომელიც მეოთხე წელია მეზობელ უგანდას აფარებს თავს, ამტკიცებს, რომ ქართველი პოლკოვნიკი გარდაცვლილია. მისივე თქმით, მოძრაობა "23 მარტი" მზად იყო ტყვედ ჩავარდნილი ქართველი მფრინავი საქართველოს ხელისუფლებისთვის ყოველგვარი გამოსასყიდის გარეშე გადაეცა, იმ ერთადერთი პირობით, თუ ოფიციალური თბილისი საკუთარ მოქალაქეებს, ყოფილ სამხედროებს, კონგოს დემოკრატიული რესპუბლიკის შეიარაღებულ ძალებში სამსახურს აუკრძალავდა, თუმცა, ამის სისრულეში მოყვანა არ დასცალდა...
მისი თქმით, - 2017 წლის 13 მაისს, კონგოს სამთავრობო ძალებსა და მეამბოხეების იმ რაზმს შორის, რომელსაც ქართველი პოლკოვნიკი დატყვევებული ჰყავდა შეტაკება მოხდა, რა დროსაც რამდენიმე ადამიანი, მათ შორის, იოსებ ოსორაულიც დაიღუპა. იგივე ინფორმაციას ფლობს კონგოს დემოკრატიულ რესპუბლიკაში გაეროს მისიაც...
საქართველოს ხელისუფლებამ, ივნისში მსგავსი ინფორმაცია გაავრცელა და აღნიშნა, რომ აფრიკულ წყაროებზე დაყრდნობით, პოლკოვნიკი ოსორაული, სავარაუდოდ, შეტაკების დროს დაიღუპა.
სამხრეთ აფრიკის რესპუბლიკაში საქართველოს ელჩი ბექა დვალის თქმით, - მათ მუდმივი, ურთიერთობა აქვთ კონგოს დემოკრატიული რესპუბლიკის ხელისუფლებასთან, კინშასაში გაეროს სტაბილიზაციის მისიასთან და წითელი ჯვრის კომიტეტთან, რათა სოსო ოსორაულის ბედი საბოლოოდ გაირკვეს...
კდრ-ის შეირაღებული ძალების სამხედრო შვეულმფრენი Ми-24-, რომელსაც აფრიკის ამ ქვეყანაში კონტრაქტით მომუშავე იოსებ ოსორაული მართავდა, 2017 წლის 27 იანვარს, ჩრდილოეთ კივუს პროვინციაში მთიან მასივში ჩამოვარდა. იმავე დღეს, იმავე ტერიტორიაზე, კატასტროფა მეორე Ми-24-აც განიცადა, რომლის პილოტიც ასევე საქართველოს შეიარაღებული ძალების ყოფილი მფრინავი ვიაჩესლავ პლუჟნიკოვი იყო.
არსებული ინფორმაციით, ქალაქ გომას აეროდრომიდან აფრენილი ორივე სამხედრო ვერტმფრენის ამოცანა, მეზობელი უგანდიდან კდრ-ის საზღვრებში შემოღწეული "23 მარტის მოძრაობის" მეამბოხეთა რაზმის აღმოჩენა და განადგურება იყო.
კონგოს დემოკრატიული რესპუბლიკის თავდაცვის სამინისტროს თავდაპირველი ინფორმაციით, ვერტმფრენებმა კატასტროფა ძლიერი ქარის გამო განიცადეს, თუმცა, შემდეგ გაირკვა, რომ ისინი მეამბოხეებმა ჩამოაგდეს. ავიაკატასტროფის შეედეგად დაშავებული მფრინავის ვიაჩესლავ პლუჟნიკოვის და კიდევ რამდენიმე კონგოელი სამხედროს ევაკუაცია განხორციელდა, თუმცა, ადგილზე დაიღუპა ერთი კონგოელი პოლკოვნიკი.
ლალი პაპასკირი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
