მნიშვნელოვანი ინფორმაცია
2
ივნისიდღის ზოგადი ასტროლოგიური პროგნოზი
ორშაბათი, მთვარის მეშვიდე დღე დაიწყება 11:53-ზე, მთვარე ქალწულს ესტუმრება 07:02-ზე – კარგია მოლაპარაკებების წარმოება. ახალი კავშირების დამყარება. სარეკლამო კამპანიების, კონფერენციების და მსგავსი ღონისძიებების ჩატარება. გამოიყენეთ სიტყვები პარტნიორების, ინვესტორების და სპონსორების დასარწმუნებლად. ბიზნესმენებმა ხელი უნდა შეუწყონ და დააფინანსონ შემოქმედებითი ადამიანები. ბევრმა მუშაობამ შეიძლება გამოიწვიოს გადაღლილობა. უმჯობესია თავი შეიკავოთ დიდი რაოდენობით ქონის, ლორის, ქაშაყის, დამუშავებული ყველის და მსგავსი პროდუქტების მიღებაზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
აშშ-ვენესუელას ურთიერთობის კრიზისი - რას ამბობენ საერთაშორისო ექსპერტები ომის საფრთხეზე
05:36 / 16-08-2017
საერთაშორისო ექპერტები თანამედროვე მსოფლიოში კიდევ ერთ ომზე საუბრობენ. ამის საფუძველი ამერიკასა და ვენესუელას პირველი პირების მუქარის შემცველი განცხადებები გახდა. გამოცემა eadaily.com ავრცელებს ფოტომასალას, თუ როგორ გადაადგილდება მძიმე ტექნიკა ამერიკის დასავლეთ და აღმოსავლეთ მიმართულებით, მათ შორის, ტანკები, ჯავშანტრანსპორტიორები და დაახლოებით 150 ერთეული თვითმავალი ჰაუბიცა M109A6 Paladin...
ამერიკელი ბლოგერების თქმით, ეს გადაადგილებები ბოლო რამდენიმე ხანია აქტიურად მიმდინარეობს, თუმცა, მისი კონკრეტული ადრესატი და მიმართულება უცნობია...
12 აგვისტოს დონალდ ტრამპმა ამერიკის საელმწიფო მდივან რექს ტილერსონთან და გაერო-ში აშშ-ის მუდმივ წარმომადგენელთან ნიკი ჰეილისთან შეხვედრის შემდეგ განაცხადა, რომ თუ საჭირო იქნება, ვენესუელის სიტუაციაში აშშ-ის სამხედრო ჩარევის ვარიანტიც არსებობს. "ადამიანები იტანჯებიან და იხოცებიან", - განაცხადა პრეზიდენტმა და აღნიშნა, რომ ვენესუელის სიტუაციის გადასაწყვეტად ბევრი ვარიანტი არსებობს, მათ შორის "სამხედრო ჩარევის შესაძლო ვარიანტი იმ შემთხვევაში, თუ ეს საჭირო გახდება", - აცხადებს ტრამპი.
თუმცა, პენტაგონის ინფორმაციით, ვენესუელაში სამხედრო ოპერაციის განხორციელების შესახებ ჯერჯერობით, თეთრი სახლიდან არანაირი ბრძანება არ მიუღიათ.
ამასთან, აშშ-ის ვიცე-პრეზიდენტმა მაიკ პენსიმ განაცხადა, რომ ვენესუელა დიქტატორული რეჟიმის გზაზე დგას და ვაშინგტონი ახალი დიქტატურის წარმოქმნას არ დაუშვებს. მისივე განცხადებით, ვაშინგტონი მზად არის, მიმართოს ეკონომიკურ და დიპლომატიურ ზომებს ვენესუელაში დამოკრატიის აღსადგენად. პენსმა ასევე აღნიშნა, რომ შეერთებული შტატები ვენესუელასთან ურთიერთობის "მშვიდობიან" გადაწყვეტას ამჯობინებდა...
თეთრ სახლში აცხადებენ, რომ ვენესუელის პრეზიდენტმა ნიკოლას მადურომ აშშ-ის ადმინისტრაციისგან ამერიკის პრეზიდენტ დონალდ ტრამპთან სატელეფონო საუბარი მოითხოვა. Reuters-ის ინფორმაციით, ამ მოთხოვნაზე თეთრმა სახლმა უარი განაცხადა.
"ტრამპი დიდი სიამოვნებით გაესაუბრება ვენესუელის პრეზიდენტს მაშინ, როდესაც ქვეყანაში დემოკრატია აღდგება", - ნათქვამია თეთრი სახლის მიერ გავრცელებულ განცხადებაში.
ამერიკის დაზვერვის ცენტრალური სააგენტოს დირექტორი ამბობს, რომ "სავსებით" შესაძლებელია ვენესუელა შეერთებული შტატებისთვის რისკის შემცველი გახდეს. მაიკ პომპეომ "ფოქს ნიუსთან" ინტერვიუში თქვა, რომ პრეზიდენტმა ტრამპმა ვენესუელაში სამხედრო ინტერვენციის შესაძლებლობა გაზარდა. ტრამპი ცდილობდა, "ვენესუელის ხალხისთვის მიეცა ისეთი ვითარების შექმნის იმედი და შესაძლებლობა, სადაც დემოკრატიის აღდგენა იქნება შესაძლებელი".
პომპეოს თქმით, შესაძლოა, ვენესუელა ამერიკელებისთვის რისკად იქცეს, თუ ქვეყანა კიდევ მეტ ქაოსში ჩაეშვება. მისი სიტყვებით: - "იქ არიან კუბელები, რუსები, ირანელები. ჰეზბოლაც იქ არის... ასე რომ, ძალიან ბევრი მიზეზი გვაქვს, ვიფიქროთ, რომ ვენესუელა ძალიან ცუდ ადგილად გადაიქცევა... ამერიკამ ამას სერიოზულად უნდა შეხედოს", - ამბობს პომპეო...
თავის მხრივ, ვენესუელის პრეზიდენტის ნიკოლას მადუროს ვაჟი, ნიკოლას მადურო უმცროსი აცხადებს, რომ იმ შემთხვევაში, თუ შეერთებული შტატები ვენესუელას თავს დაესხმება, იგი საპასუხო ქმედებას მიმართავს.
რამდენიმე დღის წინ, ვენესუელის თავდაცვის მინისტრმა ვლადიმირ პადრინომ განაცხადა, რომ აშშ-ის პრეზიდენტის დონალდ ტრამპის სიტყვები, ვენესუელის საქმეებში ამერიკის შესაძლო სამხედრო ჩარევის შესახებ, სიგიჟის აქტია. ეს განცხადება მან სახელმწიფო ტელევიზიის ეთერში გააკეთა.
დონალდ ტრამპის განცხადებას გამოეხმაურა ვენესუელის კომუნიკაციების მინისტრი ერნესტო ვილეგასიც. მან ტრამპის განცხადებას, ვენესუელის ნაციონალური სუვერენიტეტისთვის უპრეცედენტო საფრთხე უწოდა.
ცნობისთვის, 31 ივლისს აშშ-ის ფინანსთა სამინისტრომ ვენესუელის პრეზიდენტის ნიკოლას მადუროს წინააღმდეგ სანქციები განახორციელა. შეზღუდვები შეეხო დამფუძნებელი კრების არჩევნებს, რომელიც ვენესუელის ლიდერის ინციატივით, 30 ივლისს განხორციელდა. ახალი ორგანო ქვეყნის რეფორმირებით უნდა დაკავდეს და მას აგრეთვე შეეძლება ქვეყნის პარლამენტის დათხოვნა, რომლის 65%-ს ოპოზიცია იკავებს.
ვენესუელაში უკვე რამდენიმე თვეა, მრავალათასიან დემონსტრაციებზე აპროტესტებენ პრეზიდენტ ნიკოლას მადუროს პოლიტიკას. მძიმე პოლიტიკური და ეკონომიკური კრიზისის გამო ათასობით ვენესუელელი, მეზობელ ქვეყნებში, მათ შორის კოლუმბიაში გარბის.
ლალი პაპასკირი
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
