მნიშვნელოვანი ინფორმაცია
31
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
განსხვავებული დესერტი ქართულ ბაზარზე - ამერიკული "ბაბელ ვაფლი" უკვე საქართველოშია
03:04 / 09-08-2017
პროფესიით იურისტმა ორმა გოგონამ "ბაბელ ვაფლის" გასინჯვის შემდეგ გადაწყვიტა, რომ ეს განსაკუთრებული ამერიკული ტკბილეული ქართული საზოგადოებისთვისაც ხელმისაწვდომი გაეხადა. შედეგად, 2017 წლის აპრილში შეიქმნა სტარტაპი Waffle Maffle, რომელსაც ამჟამად სხვადასხვა ლოკაციაზე ოთხი დახლი და ჩამოსასხმელი ნაყინის სამი აპარატი აქვს.
"გაგვიჩნდა სურვილი, საქართველოშიც შემოგვეტანა განსხვავებული ტიპის დესეტრი და ეს შევძელით. პირველები ვართ ქართულ ბაზარზე, ვინც "ბაბელ ვაფლს" ყიდის. ვეცადეთ, პროდუქტი ყველასგან განსხვავებული და გემრიელი ყოფილიყო. ჩვენი მთავარი მიზანია მომხმარებელს და განსაკუთრებით, ბავშვებს, რომლებსაც უყვართ ტკბილეული, შევთავაზოთ ეკოლოგიურად სუფთა პროდუქტი ვაფლის და ნაყინის სახით," - ამბობს "ვაფლი მაფლის" ერთ-ერთი დამფუძნებელი ნინო მესხი.
"ვაფლი მაფლის" დახლები განთავსებულია "თბილისი მოლსა" და "ევრო პარკში", ერთი დახლი კი ბათუმშია. სტარტაპს აქვს მოძრავი სტენდიც, რომელსაც ღონისძიებებისთვის იყენებენ. მართალია, სულ რამდენიმე თვეა გასული, რაც "ბაბელ ვაფლის" სტენდები შექმნეს, მაგრამ სტარტაპი უკვე საკმაოდ პოპულარულია და მისი პროდუქტი ერთ-ერთი ყველაზე მოთხოვნადი დესერტი გახდა.
"პოპულარობის მოპოვება არც ისე რთული იყო, რადგან "ბაბელ ვაფლები" ქართულ ბაზარზე პირველია. ჩვენ ვიზრუნეთ არა მხოლოდ პროდუქტზე, არამედ მის შეფუთვაზე, სტენდის ვიზუალსა და მიზოდების ფორმაზეც. პროდუქტიცა და შეფუთვაც მომხმარებლისთვის თვალისმომჭრელია და ალბათ, ესეც გახდა მიზეზი, რომ ასე მოკლე დროში გავხდით პოპულარულები. სტენდმა გახსნის დღიდან ძალიან დიდი ინტერესი გამოიწვია.
"ინსტაგრამი" ჩვენი ფოტოებით აჭრელდა. მიგვიწვიეს სტარტაპ მარკეტზე, სხვადასხვა ღონისძიებებზე. ამჟამად "თიბისი ბანკის" პროექტ "სტარტაპერის" მონაწილეები ვართ, რაც პოპულარობის მოპოვებასა და თავის დამკვიდრებაში მნიშვნელოვნად გვეხმარება," - განმარტავს "ვაფლი მაფლის" ერთ-ერთი დამფუძნებელი სალომე სულხანიშვილი.
სტარტაპერების თქმით, მათი პროდუქტი პირველივე დღიდან პოპულარულია, თუმცა საქმის დაწყებისა და მართვის პროცესში მრავლად იყო სირთულეებიც. მათთვის ყველაზე რთული ვაფლის მასის გამოყვანა აღმოჩნდა. პროდუქცია ეკოლოგიურად სუფთა და გემრიელია. სასურველი შედეგის მისაღებად გარკვეული მასალების ჩამოტანა აშშ-იდან უწევთ.
დიდი ენთუზმიაზმით დაწყებულ საქმეს მეგობარი სტარტაპერები ასეთივე ენთუზიაზმით აგრძელებენ.
ახლო მომავალში ვაფლის სტენდების რაოდენობის ზრდას აპირებენ, ამჟამად ამისთვის ლოკაციებს არჩევენ. თბილისში შარდენზე და გუდაურში დახლის გახსნაზე მიდის მოლაპარაკებები. სტარტაპერები ცდილობენ შეარჩიონ ისეთი ადგილები, სადაც ბევრი ბავშვი იყრის თავს, რომ მათ ეკოლოგიურად სუფთა პროდუქტის მიღება შეძლონ. მალე ამერიკული სტილის დესერტების კაფე-ბარის გახსნაც იგეგმება, სადაც მომხმარებელს ვაფლებთან ერთად, სხვა განხვავებულ დესერტებს შესთავაზებენ.
#სტარტაპერი #გვეამაყები
ფოტოები: Advan/ედვენი
ნანა მღებრიშვილი
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
