1
ივლისიდღის ზოგადი ასტროლოგიური პროგნოზი
სპორტის სასახლეში ზაზა ფაჩულიასადმი მიძღვნილი ღონისძიება და ქართველი გულშემატკივრებისთვის NBA-ის თაისის ოფიციალური წარდგენის ცერემონია გაიმართა. ღონისძიებას საქართველოს პრემიერ-მინისტრი, პარლამენტის თავმჯდომარე, მინისტრთა კაბინეტის წევრები და აშშ-ის ელჩი საქართველოში იან კელი ესწრებოდნენ. ღონისძიებაზე საკალათბურთო ილეთებით გაფორმებული შოუ გაიმართა. შეკრებილ გულშემატკივარს მხარდაჭერისთვის ზაზა ფაჩულიამ მადლობა გადაუხადა. ქართველმა კალათბურთელმა ემოციური სიტყვებით მიმართა მეუღლეს თიკა ალავიძეს, რომელიც ამჟამად ამერიკაში იმყოფება. როგორც გაირკვა ზაზა და თიკა მეოთხე შვილს ელოდებიან, რის გამოც კალათბურთელის მეუღლე ღონისძიებაზე ვერ ჩამოვიდა.
"10 წლის წინ მე გავიცანი ერთი ადამიანი, რომელიც ზუსტად 1 წელიწადში გახდა ჩემი მეუღლე. სამწუხაროდ, თიკა დღეს აქ არ არის, მაგრამ ტელევიზორში გვიყურებს. თიკა ჩემს ორ ბიჭთან ერთად ზის ამერიკაში და გვიყურებენ ჩვენ. თიკა, მინდა გითხრა, რომ შენ ხარ ულამაზესი, უჭკვიანესი და გმირი ქალბატონი. გმირი ხარ ბევრი მიზეზის გამო, მაგრამ რამდენიმეს გამოვყოფდი... გმირი ხარ, რომ სამი ულამაზესი შვილი მაჩუქე, გმირი ხარ, რომ მეოთხე შვილს ველოდებით დღე-დღეზე და ალბათ ხვდებით მიზეზს, რატომ არ არის აქ თიკა. გმირი ხარ იმიტომ, რომ 10 წელია მიძლებ. დამეთანხმებით, სპორტსმენის ცოლობა ძალიან რთულია. გმირი ხარ, რადგან ამ ყველაფერს გაგებით ეკიდები, რომ ყოველ წელს რამდენიმე თვის განმავლობაში ჩვენ ერთმანეთს ვერ ვხედავთ და განსაკუთრებით დღეს, როცა ძალიან გჭირდება ჩემი მანდ ყოფნა... შენ ამ ყველაფერს გაგებით მოეკიდე და ხვდები რამდნენად მნიშვნელოვანია ჩემი თამაში საქართველოს ეროვნულ ნაკრებში. და ბოლოს, გმირი ხარ რომ ყველანაიარდ ხელს მიწყობს გავაკეთო ის, რაც ძალიან მიყვარს - ეს არის კალათბურთი. ამისთვის ძალიან მადლობელი ვარ, ძალიან მენატრებით სამივე, თითქმის ოთხივე...მიყვარხართ",- აღნიშნა ზაზა ფაჩულიამ.
