31
მაისიდღის ზოგადი ასტროლოგიური პროგნოზი
ხულოს რაიონში, კურორტ ბეშუმის მოსახლეობა ახალ დასახლებასთან ხეების ჩეხვას აპროტესტებს. ადგილობრივების ინფორმაციით, წელს მსგავსი შემთხვევა რამდენჯერმე დაფიქსირდა. მათი განცხადებით, გარდა იმისა, რომ იჩეხება წიწვოვანი ხეები და საფრთხე ექმნება მწვანე საფარს, ასევე დისკომფორტი უჩნდებათ ადგილობრივებს და დამსვენებლებს.
როგორც AMBEBI.GE-ს ხულოს რაიონის გამგებელმა, ბესიკ ბაუჩაძემ განუცხადა, ხის ჩეხვის სამუშაოები კანონის სრული დაცვით, გამოყოფილ ტერიტორიაზე მიმდინარეობს. მისივე ინფორმაციით, შესაბამისი სამუშაოები საკურორტო ზონიდან მოშორებით ტარდება.
"სამუშაოები არ მიმდინარეობს საკურორტო ზონაში. საკურორტო ზონასთან ახლოს გამოყოფილია ტყეკაფი ოფიციალურად და ხდება კანონიერად მოსახლეობისთვის შეშის დამზადება", - აღნიშნავს ბესიკ ბაუჩაძე.
ცნობისთვის, ხულოს რაიონის მუნიციპალიტეტში, მთის კლიმატური კურორტი ბეშუმი ზღვის დონიდან 1850-1900 მეტრზე მდებარეობს. კორორტი გამორჩეულია ბუნებრივი რესურსებით, მათ შორის წიწვოვანი და მრავალწლოვანი ხეების სიმრავლით.
ფოტოები: იმედა ბოლქვაძე
ნიკა საჯაია
AMBEBI.GE
