2
ივნისიდღის ზოგადი ასტროლოგიური პროგნოზი
რუსი ბაიკერი ქალი, რომელიც "ინსტაგრამის" ვარსკვლავი გახდა მოტოციკლზე შესრულებული სარისკო ილეთებით, საშინელ ავტოკატასტროფაში დაიღუპა. 40 წლის ოლგა პრონინას 160 000-ზე მეტი გამომწერი ყავდა ინსტაგრამზე და ყოველდღიურად უზიარებდა მის გამომწერებს სარისკო მანევრების ფოტო და ვიდეომასალას. ოლგა "ბე-ემ-ვეს" მარკის S1000RR ბაიკს მართავდა.
იხილეთ ოლგას ვიდეო ინსტაგრამიდან
ოლგა სტილისტი იყო, თუმცა ძირითად შემოსავალს რეკლამებიდან იღებდა, რომლისთვისაც მოტოციკლზე საცურაო კოსტუმებითა და საცვლებით პოზირებდა. ოლგა დაიღუპა მაგისტრალზე მომხდარ ავარიაში - მისი მოტოციკლი გზიდან გადავიდა, ბარიერს შეეჯახა და ნაწილებად დაიმსხვრა.
"ძალიან მიყვარს მოტოციკლი, რადგან ის ჩემ სულელობებს მპატიობს, არაერთხელ გადავურჩენივარ, არასოდეს უღალატია, ჩემი მარტოსული ღამეები გაუუმჯობესებია, პრობლემები დაუვიწყებია, მუდმივად მივარჯიშებდა სხეულს და გონებას. მადლობა თავისუფლებისთვის", - ასე აღწერდა ოლგა თავისი მოტოციკლისადმი სიყვარულს. მას 16 წლის ქალიშვილი დარჩა.
მომზადებულია mirror.co.uk-ს მიხედვით
