მნიშვნელოვანი ინფორმაცია
24
მაისიდღის ზოგადი ასტროლოგიური პროგნოზი
შაბათი, მთვარის ოცდამეშვიდე დღე დაიწყება 03:34-ზე, მთვარე კუროში გადაბრძანდება 21:35-ზე – კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის. მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად, ყვავილების დასარგავად; ქორწინებისა და ნიშნობისათვის. ამ დღეს ადამიანი მეტად მგრძნობიარეა საკვების მიმართ. ნუ გადატვირთავ კუჭს, მაგრამ ნურც იშიმშილებთ. მიიღეთ ჯანსაღი საკვები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
არქეოლოგებმა ციხისძირში VI საუკუნის ვერცხლის მონეტები იპოვეს
08:11 / 01-08-2017
ციხისძირში, პეტრას ციხის ტერიტორიაზე VI საუკუნით დათარიღებული მონეტები აღმოაჩინეს.
დასავლეთ საქართველოში, სოფელ ციხისძირის ისტორიული ციხე-ქალაქის ტერიტორიაზე საექსპედიციო სამუშაოები უკვე ორი წელია მიმდინარეობს. მონეტებთან ერთად აღმოჩენილია უძველესი საყოფაცხოვრებო ნივთები, საბრძოლო და შრომის იარაღები. ასევე, რკინის საბრძოლო ცულები, სატევრები, შუბისპირები, ისრისპირები, მუზარადი, ჯაჭვის პერანგისა და ფარის ნაშთები, მრავალრიცხოვანი კერამიკული ნაწარმი და განძი (95 ვერცხლის მონეტა).
აქვე აღმოჩნდა ადამიანის დამწვარი ძვლების ფრაგმენტები, რაც იმაზე მეტყველებს, რომ მებრძოლები ციხის დაცვას შეეწირნენ. კოშკის დაწვისა და დანგრევის შემდეგ, მისი აღდგენა არავის უცდია. ამის გამო უცვლელად იქნა შემონახული პეტრას ციხეზე VI საუკუნეში წარმოებული ბრძოლის შედეგები.
AMBEBI.GE ექსპედიციის ხელმძღვანელს, არქეოლოგ დავით მინდორაშვილს დაუკავშირდა:
- ციხისძირში უკვე მეორე წელია ექსპედიცია მინდინარეობს, ამჟამად კი გათხრების დროს სავარაუდოდ VI საუკუნით დათარიღებული სპარსული მონეტები აღმოვაჩინეთ. მასზე გამოსახულია სპარსი მეფეების პორტრეტები. ჯერ კონკრეტულად არ არის დადგენილი, რომელი მეფეებია გამოსახული. შესაძლოა უფრო ადრეული დროის ნიმუშებიც აღმოვაჩინოთ, მაგრამ ამის ზუსტად განსაზღვრა შეუძლებელია. ბუნებრივია, ეს აღმოჩენა მნიშვნელოვანია, თუმცა, აქამდე აღმოსავლეთ საქართველოში აღმოაჩინეს მსგავსი მონეტები.
ადრეულ პერიოდში საქართველოში აღმოაჩინეს ქართლის ერისმთავრის დრაქმები, რომლებიც ქართულ - სასანური მონეტების სახელითაა ცნობილი. ისინი VI საუკუნის დასასრულსა და VII საუკუნის დასაწყისში ქართლში მოჭრილი სასანური ტიპის ვერცხლის მონეტებია. შესაძლოა, რომ ამჟამად ციხისძირში აღმოჩენილი მონეტებიც ქართულ-სასანური აღმოჩნდეს.
ეკა გადახაბაძე
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
