შავი ზღვის სანაპიროზე დღეს და ხვალ 4-5-ბალიანი შტორმია მოსალოდნელი. როგორც "ინტერპრესნიუსს" გარემოს ეროვნული სააგენტოს მოკლევადიანი პროგნოზების სამმართველოს უფროსმა დოდო გვაზავამ განუცხადა, შავი ზღვის სანაპიროზე გუშინ შტორმი დაახლოებით 3 ბალამდე იყო.
აღნიშნული განპირობებულია დასავლეთ საქართველოში გრილი მასების შემოსვლით. შედეგად, საქართველოში ჰაერის ტემპერატურა რამდენიმე გრადუსით დაიკლებს.
