ბათუმის ბულვარში გადაღებულმა ფოტომ ინტერნეტმომხმარებლები აღაშფოთა - პარკინგი მწვანე საფარზე და ადმინისტრაციის პასუხი
ბათუმის ბულვარში, "რვაფეხას" მიმდებარე ტერიტორიაზე გადაღებულმა ფოტომ ინტერნეტმომხმარებლებში დიდი აჟიოტაჟი გამოიწვია. ფოტო, სადაც მწვანე საფარზე დაპარკინგებული ავტომობილებია აღბეჭდილი, გუშინ 17:00 საათზე ბათუმში მცხოვრებმა 27 წლის ახალგაზრდამ გადაიღო. Ambebi.ge სურათის ავტორს დაუკავშირდა.
"60-მდე ავტომობილი, როგორც ქართული, ისე უცხოური სანომრე ნიშნებით, ბულვარის მწვანე საფარზე, მწვანე ნარგავებს შორის იყო დაპარკინგებული. მანქანები ორ მწკრივად იდგა. ფოტო სპონტანურად, სეირნობის დროს გადავიღე და არ მეგონა ამხელა გამოხმაურება თუ მოჰყვებოდა. ტურისტები ბევრია და ქალაქში პარკინგის ადგილების პრობლემაა", - განაცხადა ლევანმა, რომელმაც გვარის გამხელა არ ისურვა.
Ambebi.ge ბათუმის ბულვარის ადმინისტრაციის პრესსამსახურს დაუკავშირდა, სადაც განაცხადეს, რომ ადგილი კერძო საკუთრებაშია და მათ კერძო მესაკუთრის საქმიანობაში ჩარევის უფლება არ აქვთ.
ნინო ხოზრევანიძე
კორონავირუსის 1 374 ახალი შემთხვევა და 11 გარდაცვლილი - რამდენ ადამიანს ჩაუტარდა ტესტირება ბოლო 24 საათში?
"ჩემი მთავარი მიზანი იყო, საქართველოს ჰიმნი ამეჟღერებინა მოსკოვში" - ლაშა ტალახაძის კომენტარი თბილისში დაბრუნების შემდეგ
