"ძალიან მძიმედ არის...ტვინის შეშუპება აქვს" - ბოლო ინფორმაცია ვანო ზოდელავას ჯანმრთელობის მდგომარეობაზე
თბილისის ყოფილი მერი ვანო ზოდელავა 21 ივლისს, გვიან ღამით მძიმე ავარიაში მოჰყვა. ის აზერბაიჯანიდან საქართველოში მოემართებოდა, რა დროსაც ქვემო ფონიჭალაში ავტოსაგზაო შემთხვევა მოხდა. ერთმანეთს სამი ავტომობილი - "ოპელის", "მერსედესისა" და "ჰონდას" მარკის მანქანები შეეჯახა. ადგილზე გარდაიცვალა 35 წლამდე მამაკაცი, რომელიც "ოპელის" მარკის ავტომობილს მართავდა. ავარიის შემდეგ ზოდელავა "ნიუ ჰოსპიტალში" მძიმე მდგომარეობაში შეიყვანეს. ყოფილ მერს გუშინ ტრეპანაცია ჩაუტარდა. იგი ამჟამად რეანიმაციულ განყოფილებაში იმყოფება. მისი ჯანმრთელობის მდგომარეობის შესახებ ექიმების მხრიდან ოფიციალური კომენტარი ამ დრომდე არ კეთდება. Ambebi.ge ზოდელავას ერთ-ერთი მეგობარს მეგობარს დაუკავშირდა, რომელმაც ყოფილი მერის მდგომარეობაზე მცირე კომენტარი გააკეთა:
"ძალიან მძიმედ არის, გაუკეთდა ტომოგრაფია და ტვინის შეშუპება აქვს. საღამოს მივალ საავადმყოფოში და პირადად მოვინახულებ", - აღნიშნა ზოდელავას მეგობარმა, რომელმაც ვინაობის გამხელა არ ისურვა.
თამარ ბოჭორიშვილი
წაიკითხეთ: ფოტოები ავარიის ადგილიდან, რომელშიც თბილისის ყოფილი მერი მძიმედ დაშავდა
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია
