გორში, კორპუსის მე-3 სართულიდან 6 წლის ბავშვი გადმოვარდა

გორში, სტალინის ქუჩაზე მდებარე საცხოვრებელი კორპუსის მესამე სართულიდან 6 წლის ბავშვი გადმოვარდა. მისი ჯანმრთელობის მდგომარეობა საკმაოდ მძიმეა.

დაშავებული საავადმყოფო "გორმედიში" გადაიყვანეს. ამ წუთებში მცირეწლოვანს ექიმები კვლევებს უტარებენ. მესამე სართულის აივნიდან გადმოვარდნილ ბავშვს მრავლობითი მოტეხილობები აღენიშნება, დაზიანებები აქვს თავისა და კისრის არეში.

ამ დროისთვის არსებული ინფორმაციით, სავარაუდოდ, ბავშვს თბილისის ბავშვთა სპეციალიზებულ საავადმყოფოში გადაიყვანენ.