24
მაისიდღის ზოგადი ასტროლოგიური პროგნოზი
თბილისის მერია არის გახრწნილი კორუფციით, თბილისის მერიაში გადაწყვეტილებებს ვინც იღებს, იქიდან უდიდესი ნაწილი კორუფციაშია ჩართული, - ამის შესახებ "ინტერპრესნიუსს" თბილისის მერობის კანდიდატმა, ალექსანდრე ელისაშვილმა ქრთამის აღების ფაქტზე თბილისის მერიის თანამშრომლის, ოთარ აბესაძის დაკავების კომენტირებისას განუცხადა.
როგორც ელისაშვილმა განმარტა, ოთარ აბესაძე არ არის თბილისის მერიის ჩვეულებრივი თანამშრომელი, ის იყო მერის, დავით ნარმანიას პირადი წარმომადგენელი საკრებულოში.
"ის არის ძალიან მაღალი თანამდებობის ადამიანი, ასევე პირადი მეგობარია დავით ნარმანიასი და ლაპარაკი არ არის ჩვეულებრივ, რიგით ჩინოვნიკზე. რაც შეეხება ამ ფაქტს, მე ყოველთვის ვამბობდი, რომ თბილისის მერიაში გადაწყვეტილებებს ვინც იღებს, იქიდან უდიდესი ნაწილი კორუფციაშია ჩართული.
თბილისის მერია არის გახრწნილი კორუფციით. მე ოპერმუშაკი არ ვარ, რომ ფაქტებზე დავიჭირო ადამიანები, მაგრამ ყოველ ჯერზე ხომ დასტურდება, რომ ვისაც რაზე მიუწვდება ხელი, აკეთებს ფულს. რა თქმა უნდა, მერიაში არიან პროფესიონალი, კვალიფიციური და წესიერი ადამიანები, მაგრამ, გადაწყვეტილებების მიმღები პირებიდან დიდი ნაწილი არის ჩართული კორუფციულ გარიგებებში.
ოთარ აბესაძე, რომელიც ყოველთვის თბილისის მერის სახელით ლაპარაკობდა-ხოლმე და ყველას ჭკუას არიგებდა, აღმოჩნდა, რომ ერთი ჩვეულებრივი მექრთამე იყო. არ მინდა მოვლენებს გავასწრო და უდანაშაულობის პრეზუმფცია დავარღვიო, მაგრამ ესეც ერთ-ერთი დასტურია იმის, რასაც მე წლებია ვლაპარაკობ. ყოველ ჯერზე, ყოველ კვირას დასტურდება, რომ ამ ადამიანებს მხოლოდ ფულის კეთება ადარდებთ და არა თბილისის მოსახლეობის პრობლემების მოგვარება", - განაცხადა ალექსანდრე ელისაშვილმა.
