ვინ არის ულამაზესი ქართველი მოდელი, რომელმაც Dolce & Gabbana-ს ჩვენებაში მიიღო მონაწილეობა

სამოდელო სააგენტო "IC Model Management"-ის მოდელმა, 21 წლის თათია ახალაიამ მონაწილეობა მიიღო Dolce & Gabbana-ს Alta Moda ჩვენებაში, რომელიც 7 ივლისს პალერმოში გაიმართა. აღნიშნულ ღონისძიებაზე მიწვეული იყო 400 სტუმარი და მათ შორის ისეთი ვარსკვლავები, როგორებიც არიან ბრედ პიტი, რობერტ დე ნირო, ჯორჯ კლუნი, მადონა და სხვები.

Dolce & Gabbana-ს Alta Moda ჩვენებას წინ უსწრებდა პარიზის შემოდგომა ზამთრის მოდის კვირეულის ჩვენებები, სადაც თათიამ წარადგინა ისეთი ცნობილი ბრენდების სამოსი, როგორიც არის HERMES და MIU-MIU.

ეს გახლავთ თათია ახალაიას მორიგი წარმატებული ნაბიჯი მის კარიერაში, რომელიც 2015 წელს საერთაშორისო სამოდელო კონკურსში Elite Model Look Georgia გამარჯვებით დაიწყო.