19
ივნისიდღის ზოგადი ასტროლოგიური პროგნოზი
ეკოლოგიურად სუფთა მდებარეობა, ორმხრივი ხედი თბილისსა და წყნეთზე, მწვანე კარკასი, მაღალი ხარისხის ენერგოეფექტური სამშენებლო მასალები - ეს კომპლექსი გრინჰილ რეზიდენსია, რომლის პირველი, პირამიდული ნაწილი 2017 წლის დეკემბერში დასრულდება.
3,5 ჰექტარზე განთავსებული საცხოვრებელი კომპლექსი ეკოლოგიურად სუფთა ადგილას - საბურთალოზე, უნივერსიტეტის ქუჩა N5-ში მდებარეობს. სრული მოცულობიდან სარეკრეაციო ზონას 10 000 კვ. მეტრი ფართობი უკავია. ადგილზე ბუნებრივი განიავება ხდება, რაც ჰაერის მოძრაობას უწყობს ხელს და მობინადრეებს ზაფხულის ცხელ დღეებშიც კი უჰაერობის პრობლემა არ შეაწუხებთ. კომპლექსს გამორჩეული ხედები აქვს წყნეთსა და თბილისზე. კომპანიის მარკეტინგისა და გაყიდვების განყოფილების ხელმძღვანელის მეგი სარიშვილის განმარტებით, მიმდებარე ტერიტორიის სპეციფიკიდან გამომდინარე კომპლექსთან ახლოს სხვა მშენებლობის დაწყება შეუძლებელია. შესაბამისად, ხედის დაფარვის საშიშროება არ არსებობს.
"გრინჰილ რეზიდენსის" წინ გადის საავტომობილო-სატრანსპორტო კვანძი ორი ალტერნატიული მიმართულებით. 2017 წლის ბოლომდე, კომპლექსიდან 50 მეტრში ფუქნციონირებას იწყებს საბურთალო-ბაგების დამაკავშირებელი საბაგირო ხაზი. ობიექტის სიახლოვეს განთავსებულია სხვადასხვა სასწავლო დაწესებულება, მათ შორის, სახელმწიფო უნივერსიტეტის მაღლივი კორპუსი. კომპლექსიდან 500 მეტრითაა დაშორებული მეტროსადგური "უნივერსიტეტი", რომელიც შემოდგომაზე ამოქმედდება.
"გრინჰილ რეზიდენსის" მშენებლობა 2016 წელს დაიწყო და 2017 წლის დეკემბერში სრულდება. ამჟამად შიდა ტიხრების ლესვა მიმდინარეობს. ბინების 70 პროცენტი უკვე გაყიდულია.
ბინების მინიმალური ფართობი 63 კვ.მეტრიდან იწყება. კორპუსის სადარბაზო სრულიად დაცული და უსაფრთხოა. თითოეულ ბლოკში გათვალისწინებულია სამგზავრო და სატვირთო ლიფტი. კომპლექსი მხოლოდ საცხოვრებელ ფართებს არ მოიცავს. მთლიანი შენობის პირველი სართული სრულად კომერციული ფართები იქნება.
"მშენებლობის ხარისხი საერთაშორისო სტანდარტებს სრულად აკმაყოფილებს. შენობას მონოლითის კონსტრუქცია აქვს. ბინებს შორის ტიხარი ამოშენებულია 30 სანტიმეტრიანი პემზობლოკით, რომელიც ენერგოეფექტურია. შიდა ტიხრები კი 10 სანტიმეტრიანი აკუსტიკური ბლოკითაა ნაშენები. დასრულებული ბინები ბარდება მწვანე კარკასის მდგომარეობით, რაც იმას ნიშნავს, რომ ახალ მობინადრეს სახლში დახვდება: რკინის შესასვლელი კარი, ბრენდირებული საკეტით, გალესილი შიდა ტიხრები, სტანდარტული ელექტროობა, ცხელი წყლის და გათბობის მილები, ფილებით მოპირკეთებული აივნები და ტერასები, აივანზე ცენტრალური გათბობისა და კონდენციონერის კარადა, ალუმინის ვიტრაჟული კარ-ფანჯარა და ქვით მოპირკეთებული სადარბაზო."
"კომპლექსის ხარისხსა და საიმედოობაზე მეტყველებს ის ფაქტიც, რომ ჩვენს ინვესტორს დასრულებული მშენებლობები აქვს თურქეთსა და აზერბაიჯანში. საქართველოს პარალელურად, ამჟამად მშენებლობას ახორციელებს ყატარში," - აღნიშნა "გრინჰილ რეზიდენსის" მარკეტინგისა და გაყიდვების განყოფილების ხელმძღვანელმა მეგი სარიშვილმა.
კომპლექსი ორ ავტოსადგომს მოიცავს. ღია ავტოსადგომი, რომელიც 160 მანქანაზეა გათვლილი, უფასოა, ხოლო მიწისქვეშა ავტოსადგომზე ადგილები იყიდება. ტერიტორია მთლიანად ღობით იქნება შემოსაზღვრული და უფასო ავტოსადგომზე უცხო ავტომობილები ვერ მოხვდებიან.
ცოტა ხნის წინ, სამშენებლო კომპანიამ მყიდველს ყიდვის ახალი პირობები შესთავაზა - ახლა ბინების შეძენა უკვე "თიბისი" და "ვითიბი" ბანკის განვადებითაა შესაძლებელი.
"ჩვენთან მოქმედებს როგორც შიდა, ისე იპოთეკური განვადება. შიდა განვადების შემთხვევაში პირველადი შენატანი ბინის ღირებულების 30%-ია, დარჩენილი თანხა კომპლექსის დასრულებამდე, 2017 წლის დეკემბრადე მომავალი მობინადრის მიერ შერჩეული გრაფიკით ნაწილდება, ხოლო გაფორმებული მემორანდუმის თანახმად მობინადრეს პირველ ეტაპზე, ბინის სრული ღირებულების 30%-ის გადახდა უწევს. დარჩენილი 70%-ის გადანაწილება იპოთეკური სესხის სახით მისთვის სასურველ ვადაზე მოხდება," - განმარტავს მეგი სარიშვილი.
დამატებითი ინფორმაციისთვის: 2191191; 598901901
R
