ელიავას ბაზრობაზე გაჩენილი ხანძრის შედეგად დაზარალებულები სახელმწიფოს ზარალის ანაზღაურებას სთხოვენ
ელიავას ბაზრობაზე გაჩენილი ხანძრის შედეგად დაზარალებულები სახელმწიფოს დახმარებას - ზარალის ანაზღაურებას სთხოვენ.
როგორც ჟურნალისტებს ერთ-ერთმა დაზარალებულმა, ქეთევან ლოლაძემ განუცხადა, საუბარია იმ დაზარალებულებზე, რომლებსაც საკუთარი საქონელი დაზღვეული არ ჰქონიათ.
ამასთან, ლოლაძე ელექტროგაყვანილობის მიზეზით ცეცხლის გაჩენას გამორიცხავს.
მისი თქმით, ხანძრის გაჩენის დროს ელექტროენერგია გათიშული იყო.
ფინანსთა სამინისტროს შემოსავლების სამსახური მზადაა დახმარება გაუწიოს ე.წ. ელიავას ბაზრობის მიმდებარე ტერიტორიაზე ხანძრის შედეგად დაზარალებულ მეწარმეებს, ხანძრის ზემოქმედების შედეგად განადგურებული სასაქონლო-მატერიალური ფასეულობების ჩამოწერასთან დაკავშირებით.
როგორც შემოსავლების სამსახურის მიერ გავრცელებულ განცხადებაშია ნათქვამი, დაზარალებული მეწარმეების იდენტიფიცირების მიზნით, ბაზრობის ადმინისტრაციასა და საქართველოს ფინანსთა სამინისტროს შემოსავლების სამსახურს შორის მიმდინარეობს შესაბამისი პროცედურები.
”დაზარალებული პირების იდენტიფიცირების შემდეგ, ხანძრის ზემოქმედების შედეგად განადგურებული სასაქონლო-მატერიალური ფასეულობების ჩამოწერის დადასტურება შემოსავლების სამსახურის მიერ, განხორციელდება ადგილზე გაუსვლელად, საგადასახადო მონაცემთა ავტომატიზირებული სისტემის მეშვეობით და შესაბამისად, დაზარალებულ პირებს განადგურებულ სასაქონლო-მატერიალურ ფასეულობებთან დაკავშირებით, არ წარმოეშვებათ საგადასახადო ვალდებულებები”, - ნათქვამია ფინანსთა სამინისტროს შემოსვალების სამსახურის განცხადებაში.
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია
