4
ივნისიდღის ზოგადი ასტროლოგიური პროგნოზი
ელიავას ბაზრობაზე ხანძრის გაჩენის შემდეგ ოთხი ადამიანია ჰოსპიტალიზებული. როგორც "ინტერპრესნიუსს" შს სამინისტროში განუცხადეს, დაშავებულებს შორის ერთ-ერთი მეხანძრეა, რომელსაც ქაფი შეესხა თვალში. ორ დაზარალებულს კი შოკური შეტევა ჰქონდა. სხეულის სხვადასხვა დაზიანებით არის ჰოსპიტალიზირებული კიდევ ერთი პირი.
ელიავას ბაზრობაზე დღეს საღამოს ხანძარი გაჩნდა. ცეცხლი ე.წ. სექტორების რიგში გაჩნდა. ხანძრის შედეგად 2300 კვადრატული მეტრია დამწვარი. შსს-ს საგანგებო სიტუაციების სააგენტოს უფროსის მოადგილე დავით გელაშვილის განცხადებით, ცეცხლი ლოკალიზებულია და ამ ეტაპზე ხანძრის გავრცელების საშიშროება არ არსებობს. ხანძრის სალიკვიდაციო სამუშაოებში ჩართულია 20-მდე სახანძრო მანქანა და 150-მდე მაშველი.
ხანძრის გამომწვევი მიზეზი ჯერჯერობით უცნობია.
