მნიშვნელოვანი ინფორმაცია
4
ივლისიდღის ზოგადი ასტროლოგიური პროგნოზი
პარასკევი, მთვარის მეათე დღე დაიწყება 16:04-ზე, მთვარე მორიელში გადავა 13:33-ზე – გააუმჯობესეთ ოჯახური ურთიერთობები, აღადგინეთ ოჯახური ტრადიციები. კარგია სახლის აშენება ან გარემონტება. რეკომენდებულია საოჯახო ბიზნესის დაწყება. ოჯახთან დაკავშირებული ფინანსური საკითხების მოგვარება. მოლაპარაკებების წარმოება, კონტაქტების დამყარება. გააძლიერეთ კავშირები. ჩაერთეთ შემოქმედებით და ინტელექტუალურ საქმიანობაში. ფრთხილად იყავით ემოციებთან. ხელსაყრელი დღეა რთული პრობლემების გადასაჭრელად. კარგია ჭურჭლისა და სარეცხის გარეცხვა. მორწყეთ მცენარეები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
სააკაშვილის სკანდალური განცხადება - ექს-პრეზიდენტი პოროშენკოს აფხაზეთთან არალეგალურ ვაჭრობაში ადანაშაულებს
04:24 / 29-06-2017
საქართველოს ყოფილი პრეზიდენტი მიხეილ სააკაშვილი უკრაინის პრეზიდენტ პეტრო პოროშენკოს ოკუპირებულ აფხაზეთთან "არალეგალურ, ამორალურ და ანტიქართულ" ვაჭრობასა და შემოსავლის მიღებაში ადანაშაულებს.
ამის შესახებ სააკაშვილმა საკუთარ თოქ-შოუში ისაუბრა, სადაც განმარტა, რომ შესაბამისი ინფორმაცია მისთვის ცოტა ხნის წინ გახდა ცნობილი.
"პეტრო პოროშენკო - უკრაინის პრეზიდენტი, 2010 წლამდე საგარეო საქმეთა მინისტრი, 2010 წლის შემდეგ კი ეკონომიკის მინისტრი და ამავდროულად, ქარხანა "ბოგდანის" მფლობელი იყო. ეს ის პერიოდია, როდესაც რუსეთმა ჩვენი ორი ტერიტორიის ოკუპირება მოახდინა. რუსეთი დარბოდა ამ დროს მსოფლიოში და ცდილობდა, რომ ვინმეს ეღიარებინა ეს ტერიტორიები ან რაიმე სახის ურთიერთობა ჰქონოდათ მათთან. უკრაინასთან ჩვენ მაშინ რთული ურთიერთობა გვქონდა, ვინაიდან უკრაინა რუსეთის გავლენის ქვეშ იყო.
იანუკოვიჩი არ გამორიცხავდა, რომ უკრაინას შესაძლოა ეღიარებინა ეს ორი ტერიტორია. ეჭვი მქონდა, რომ გარდა რუსეთის გავლენისა, არსებობდა რაღაც კომერციული ინტერესები. ახლახან მივიღე ინფორმაცია, რომელიც ჩემთვის გაუგებარი და ამაზრზენია. საქმე ის არის, რომ 2010-2014 წლებში, მაშინდელი ეკონომიკის მინისტრის, პეტრო პოროშენკოს კომპანია "ბოგდანი" ოფიციალურად (ეს დოკუმენტებშია მოყვანილი), თავისი პროდუქციის ექსპორტს ახდენდა ოკუპირებულ აფხაზეთში. პოროშენკო შემოსავალს ღებულობდა არალეგალური, ამორალური, ანტიქართული და ანტიუკრაინული ვაჭრობისგან ოკუპირებულ აფხაზეთთან. პრეზიდენტი პოროშენკო ვაჭრობდა და არღვევდა უკრაინისა და საქართველოს კანონებს და საერთაშორისო სამართალს. ეს არის ოფიციალური დოკუმენტირებული ინფორმაცია", - განაცხადა სააკაშვილმა.
საქართველოს ყოფილი პრეზიდენტის თქმით, პეტრო პოროშენკომ განმარტება უნდა გააკეთოს.
"არც ერთი ავტობუსი ექსპორტზე არ გადიოდა ისე, რომ პოროშენკოს არ სცოდნოდა. მე ეს ვიცი იმიტომ, რომ ჩვენ საქართველოში გვყავდა ჩამოყვანილი ეს ავტობუსები. მე მოვითხოვ, რომ პოროშენკომ პასუხი გასცეს ამას", - აღნიშნა სააკაშვილმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
საქართველოში ყოველთვიურ ხელფასს დაახლოებით მილიონი ადამიანი იღებს, აქედან უმეტესობას ხელფასი თვეში 1200 დან 2400 ლარამდე აქვს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
