მნიშვნელოვანი ინფორმაცია
31
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"სუხიშვილები" Black Sea Arena-ზე - ნაციონალური ბალეტი მაყურებელს ექსკლუზივებს პირდება!
08:23 / 27-06-2017
15 ივლისს შეკვეთილის მასშტაბური საკონცერტო დარბაზი Black Sea Arena საქართველოს ნაციონალური ბალეტის "სუხიშვილების" კონცერტს უმასპინძლებს. 2017 წელი ქართული ნაციონალური ბალეტისთვის მნიშვნელოვანი წელია, რადგან ანსამბლის დამაარსებლის, ილიკო სუხიშვილის დაბადებიდან 110 წლის იუბილეს აღნიშნავს. სწორედ ამ თარიღთან დაკავშირებით გაიმართება კონცერტი საქართველოს ყველაზე დიდ სცენაზე, სადაც მაყურებელი რამდენიმე სრულიად ახალ დადგმას იხილავს. ბილეთის ფასი 10 ლარიდან იწყება, ყველაზე მაღალფასიანი ბილეთი 60 ლარი ღირს.
ამ წელს ჩატარებული ყოველი კონცერტი თუ საგასტროლო ტურნე უფროსი ილიკოს ხსოვნას ეძღვნება და როგორც "სუხიშვილები" ამბობენ, განსაკუთრებულ პასუხისმგებლობას აკისრებს დასის თითოეულ წევრს.
ქართული ნაციონალური ბალეტი 15 ივლისს არენაზე მისულ მაყურებელს განახლებულ პროგრამას და ახალ ცეკვებს წარუდგენს. ცხადია, შესრულდება ანსამბლის სავიზიტო ბარათად ქცეული ცეკვები როგორც კლასიკური, ისე ახალი პროგრამიდან. 15 ივლისს სცენაზე დასის სრული შემადგენლობა წარსდგება და კიდევ ერთხელ პატივს მიაგებს ანსამბლის დამაარსებლის დიდი ილიკო სუხიშვილის ხსოვნას.
ანა კავლელიშვილი, Black Sea Arena-ს დირექტორი: "სუხიშვილების" კონცერტით იწყება ქართული კონცერტების ციკლი "ბლექ სი არენაზე" 2017 წელს. გვიხარია, რომ სწორედ ამ პროექტით დავიწყებთ წლევანდელ ქართულ სეზონს. 8 000-ზე მეტ მაყურებელს მიეცემა საშუალება იხილოს ეს პროექტი და რაც მთავარია, ნახოს სრულიად ახალი ცეკვები სუხიშვილების დადგმით. მე ბედნიერი ვარ, რომ Black Sea Arena-ს ისტორიას შეემატება სუხიშვილების კონცერტი. ბილეთების ფასი ძალიან ლოიალური და დაბალია. დარწმუნებული ვარ, კიდევ ერთხელ გავერთიანდებით ამ დღეს. ბევრი ტურისტსაც ველოდებით და დიდ სამზადისში ვართ".
ნინო სუხიშვილი, "სუხიშვილების" ანსამბლის ხელმძღვანელი: "ძალიან მნიშვნელოვანია, რომ ჩვენ პირველად გამოვდივართ Black Sea Arena-ზე. ექსკლუზივს შევთავაზებთ მაყურებელს. გარდა იმისა, რომ ჩვენთვის საიუბილეო წელია, ვმუშაობთ სრულიად ახალ პროგრამაზე. ეს იქნება ექსკლუზივი. თუმცა, იქნება რამდენიმე ცეკვა და არა სრულიად პროგრამა. ეს მხოლოდ დასაწყისია!"
ილიკო სუხიშვილი, ანსამბლის სამხატვრო ხელმძღვანელი: "რამდენიმე ახალი კომპოზიცია უნდა წარვადგინოთ მაყურებლის წინაშე. ერთი არის ნიაზ დიასამიძის მუსიკა "რქაწითელი", პირველად ფილარმონიაში იყო ამის პრემიერა. ის პროექტის "ცეკვა ქართული" ნაწილია. ასევე, სრულიად ახალი კომპოზიცია იქნება ოტობაია, რომელის მუსიკასაც ჩვენი ორკესტრი აკეთებს. გვაინტერესებს, როგორ მიიღებს მას მაყურებელი"
აღსანიშნავია რომ, "სუხიშვილები" საქართველოში მომავალი წლის გაზაფხულამდე კონცერტს ვეღარ გამართავენ დატვირთული და უკვე შევსებული გრაფიკის გამო, ასე რომ 15 ივლისს "ბლექ სი არენაზე" დაგეგმილი კონცერტი, კარგი შანსია მაყურებლისთვის ცნობილი ანსამბლის ფანტასტიკური დადგმები იხილოს.
ნანა მღებრიშვილი
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
