მნიშვნელოვანი ინფორმაცია
31
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ბაგა-ბაღების პერსონალისთვის, შესაძლოა, ეთიკის ნორმები დაწესდეს
12:02 / 26-06-2017
თბილისის მუნიციპალიტეტის საკრებულოში განათლებისა და კულტურის კომისიის სხდომა გაიმართა, რომელზეც "ქალაქ თბილისის მუნიციპალიტეტში ადრეული აღზრდისა და განათლების მომსახურების მიმწოდებელი ან/და სკოლამდელი აღზრდისა და განათლების მომსახურების მიმწოდებელი ან/და სასკოლო მზაობის პროგრამის განმახორციელებელი დაწესებულების პერსონალისთვის სამსახურებრივი ინსტრუქციების, ქცევისა და ეთიკის ნორმების დამტკიცების შესახებ" დადგენილების პროექტი განიხილეს.
როგორც "ინტერპრესნიუსს" თბილისის საკრებულოდან აცნობეს, დებულების პროექტის მომზადებას წინ უძღოდა სამუშაო პროცესი, რომელშიც, საკრებულოს დეპუტატ თამარ ტალიაშვილის ინიციატივით, მუშა ფორმატით ჩართულები იყვნენ UNICEF-ის ექსპერტები, საკრებულოს სარევიზიო და იურიდიული კომისიების, მერიის შესაბამისი სამსახურებისა და ბაგა-ბაღების მართვის სააგენტოს წარმომადგენლები.
საკრებულოს პრესსამსახურის განმარტებით, "ადრეული და სკოლამდელი აღზრდისა და განათლების შესახებ" კანონის შესაბამისად, თვითმმართველობებში ნორმატიული აქტების მომზადების მიზნით, სამუშაო შეხვედრებში საქართველოს ყველა რეგიონის მუნიციპალიტეტების წარმომადგენლები მონაწილეობდნენ.
თამარ ტალიაშვილმა სხდომაზე წარმოადგინა დებულების პროექტი და ისაუბრა იმ არსებით პრინციპებსა და ასპექტებზე, რომელიც დებულების ძირითად ღერძს წარმოადგენს.
"მნიშვნელოვანია, რომ ბავშვთა აღზრდის პოზიტიური მეთოდი შემოგვაქვს აღზრდა-განათლების პროცესის ფუნდამენტად. ეს დოკუმენტი ქმნის კომფორტულ და ჰარმონიულ გარემოს, როგორც ბავშვისთვის, ისე მშობლისთვის, ასევე აღმზრდელებისა და ბაგა-ბაღების მენეჯმენტისთვის", - განაცხადა საკრებულოს დეპუტატმა.
საკრებულოს თავმჯდომარემ გიორგი ალიბეგაშვილმა აღნიშნა, რომ მიესალმება სკოლამდელი აღზრდის დაწესებულებებში პერსონალისთვის სამსახურებრივი ინსტრუქციების, ქცევისა და ეთიკის ნორმების დამტკიცების შესახებ დადგენილების პროექტის შემუშავებას.ეთ
"ფაქტობრივად ეს არის ისტორიული დოკუმენტი ჩვენი მომავალი თაობისთვის. ჩვენ მზად ვართ გავიტანოთ ეს საკითხი საკრებულოს სხდომაზე და მხარი დავუჭიროთ," - განაცხადა გიორგი ალიბეგაშვილმა.
კომისიის სხდომაზე სიტყვით გამოვიდა თბილისის ბაგა-ბაღების მართვის სააგენტოს ხელმძღვანელი თემურ თორდინავაც, რომელმაც აღნიშნა, რომ ამ სამართლებრივი აქტის მიღება მნიშვნელოვანი და დროულია.
სხდომაზე გაიმართა დისკუსია, რომლის დროსაც საკუთარი მოსაზრება დადგენილების პროექტთან დაკავშირებით ასევე გამოხატეს საკრებულოს დეპუტატებმა ია მაკასარაშვილმა და ლია ჯახველაძემ, UNICEF-ის საგანმანათლებლო პროგრამის ოფიცერმა მაკო ყუფარაძემ და ექსპერტმა მაკა ჭიხორიამ და დადებითად შეაფასეს წარმოდგენილი პროექტი.
საკრებულოს პრესსამსახურის ცნობით, სხდომაზე მიწვეულმა ბაგა-ბაღების დირექტორებმა იმსჯელეს არსებულ გამოწვევებზე და იმ დადებით ეფექტზე, რომელიც ექნება საკრებულოს მიერ აღნიშნული სამართლებრივი აქტის მიღებას.
კომისიის სხდომას ასევე ესწრებოდა საქართველოს განათლებისა და მეცნიერების სამინისტროს წარმომადგენელი ლალი შიმშელაშვილი.
სხდომაზე ერთხმად გადაწყდა, რომ სკოლამდელი აღზრდის დაწესებულებებში პერსონალისთვის სამსახურებრივი ინსტრუქციების, ქცევისა და ეთიკის ნორმების დამტკიცების შესახებ დადგენილების პროექტს მიეცეს მსვლელობა შემდეგი განხილვისათვის.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
