მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ცნობილი პლასტიკური ქირურგის უცნობი ხელოვნება - მამა-შვილი ქაშიბაძეების "არაჩვეულებრივი გამოფენა"
03:10 / 25-06-2017
სხვისი არ ვიცი, მაგრამ მე ნამდვილად აღმოვჩნდი არაჩვეულებრივ გამოფენაზე, რომელსაც სახელი ცნობილი ფილმის ცნობილი ფრაზის - "მე და მამა ვმუშაობთ" მიხედვით, ზუსტად შეურჩიეს...
დიახ, მამა-შვილს მართლა სერიოზულად უმუშავიათ და წლების მანძილზე დაგროვილი ტილოები საქართველოს პარლამენტის ეროვნული ბიბლიოთეკის საგამოფენო სივრცეში ერთმანეთის საპირისპიროდ გამოფინეს. თამაზ და გუგა ქაშიბაძეები განსხვავებული პროფესიის ადამიანები არიან. მამა - ზოოინჟინერია, შვილი - ცნობილი პლასტიკური ქირურგი.
"ისინი მამა-შვილობის გარდა, ერთმანეთს სიყვარულის ფერებით გამოხატვის უნარმაც დააკავშირა. ოჯახის წევრთა გამოფენებით საზოგადოებას ვერ გააკვირვებ, მაგრამ ის, რომ პირველი ნახატი შვილის საღებავებმა შთააგონა და მათივე მეშვეობით შექმნა, მართლაც გასაოცარია - ხშირ შემთხვევაში, პირიქით ხდება ხოლმე. ასე დაიბადა მეორე მხატვარი ქაშიბაძეების ოჯახში და მამაშვილური ურთიერთობა ფერებით მეტყველებაში გადაიზარდა.
მიუხედავად იმისა, რომ ორივე მხატვარს არაერთ გამოფენაში აქვს მონაწილეობა მიღებული," - გვეუბნება ეროვნული ბიბლიოთეკის საზოგადოებასთან ურთიერთობის სამსახურის უფროსი ნინო გედენიძე.
"ჩემი ნამუშევრები არის სამყარო, რომელსაც მე ვიცნობ და ძალიან ხშირად ვარ იმ სამყაროში. მასში ასახულნი ჩემთვის რეალური გმირები არიან, რომლებიც მუდმივად ჩემთან ერთად არიან და მათთან ურთიერთობა მაქვს... კი, ისინი ჩემში არსებობენ თავიანთი სახელებით, თვისებებით, ხასიათით...
ბავშვობიდან ვხატავ, ეს საქმე ახლა არ დამიწყია, თუმცა მამამ 44 წლის ასაკში შექმნა პირველი ნამუშევარი. გამოდის ამ მიმართულებით მე უფრო დიდი სტაჟი მაქვს, ვიდრე მამას. ასე რომ, რაც თავი მახსოვს, ვხატავ", - გვეუბნება გუგა ქაშიბაძე, ადამიანი, რომელსაც საოცარი სამყარო აქვს თავის ტილოებში შექმნილი, რომლის მიმართ დამთვალიერებელი გულგრილი ვერ დარჩება...
კითხვაზე, თუ რატომ არ წავიდა ის მხატვრობის მიმართულებით, გვპასუხობს: "ეტყობა, სათანადო მუხტი არ მქონდა, რომ მხატვარი ვყოფილიყავი. მე და მამა ორივე მოყვარულები ვართ... საერთოდ, მხატვრად ან იბადები, ან - არა. 2 პროფესია ერთად რთულია, რადგანაც ყოველდღიური რუტინაა, რომელსაც მუდმივად და ყოველდღიურად უნდა ემსახურო".
- არადა, მგონი, საამისოდ ნიადაგი გქონდათ...
- ალბათ ბოლომდე ისე არ იყო, რომ მთელი ჩემი არსება მხატვრობისთვის მიმეძღვნა... დრო ხატვისთვის ნაკლებად მაქვს. იმისთვის, რომ დავხატო, ზოგჯერ ვიკლებ ძილს, გართობას, ხანდახან სამსახურიდან ერთი სული მაქვს, სახლში როდის მივალ, რომ უბრალოდ ხატო..
- კი, ურთულესი პროფესია გაქვთ. ამასთან, დამწვრობის ცენტრის ხელმძღვანელი ხართ...
- ეს ყველაფერი ერთმანეთს ხელს უწყობს. მხატვრობა მეხმარება ჩემს ძირითად პროფესიაში და ჩემი პროფესია მხატვრობაში მეხმარება. ისინი ერთმანეთს ავსებს... ვხატავ ჩემი სიამოვნებისთვის და არა იმისთვოს, რომ ფართო საზოგადოების წინაშე წარვდგე...
- გამოფენისთვის ზუსტი სახელწოდება დაგირქმევიათ...
- მე და მამას ერთი და იგივე აზრი არაფერზე გვაქს, იქნება ეს პოლიტიკა თუ სპორტი, ყველაფერში მოწინააღმდეგეები ვართ და ეს გამოფენაც ერთმანეთის პირისპირ, ამ ფორმით ერთგვარი ბრძოლაა, მაგრამ, მამა უკეთესად ხატავს.
ნინო გედენიძე:
- დღევანდელი მამაშვილური გამოფენის განსაკუთრებულობა ის არის, რომ გუგა ქაშიბაძეს სურდა, მამისთვის, იუბილეზე საჩუქარი გაეკეთებინა, რაც კიდევ სულ სხვა რამ არის. მით უფრო, რომ რამდენიმე დღის წინ, "მამის დღე" აღინიშნა... როდესაც მამაშვილობა დედაშვილობას უტოლდება, ეს უკვე ეროვნული ღირებულებებია და არა მარტო ჩვენი, პლანეტის გადარჩენის ხერხემალია. ბატონ თამაზს დაბადების დღეს ვულოცავთ და მადლობას ვუხდით გუგას, რომ ასეთი სახით საჩუქრის გაკეთების პრეცედენტი დაუშვა, რაც ჩვენს სივრცეში შედგა.
გუგა კარგი შვილია, კარგი ადამიანი, პროფესიონალი ქირურგი, ადამიანებისთვის დიდი სიკეთის მომტანი და ყველაფერი კი ახალგაზრდებისთვის არის მაგალითი.
ბატონი თამაზი ახლა გავიცანი, მაგრამ შვილი ხომ მშობლის სავიზიტო ბარათია? ასეთი ადამიანს ვერ გაზრდიდა კაცი, თუ ბევრად უფრო მეტ ხარისხში არ ატარებს ამ თვისებებს, ვიდრე შვილი, რაც სრულიად გასაგებია და ეს მისი ნახატებიდანაც ჩანს. აქ ორი აბსოლუტირად განსხვავებული სტილია... ერთ-ერთმა დამთვალიერებელმა თქვა, "ბატონ თამაზთან ზამთარიც კი გაზაფხულივით თბილია". ასეთია ბატონი თამაზი, მისი ნახატები და მისი შვილი ასევე საკუთარი შემოქმედებით.
ლალი ფაცია
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
