მნიშვნელოვანი ინფორმაცია
12
ივლისიდღის ზოგადი ასტროლოგიური პროგნოზი
შაბათი, მთვარის მეთვრამეტე დღე დაიწყება 23:22-ზე, მთვარე მერწყულშია – იმუშავეთ მშვიდად და საფუძვლიანად. მოაგვარეთ მარტივი ფინანსური საკითხები. გადადეთ მნიშვნელოვანი საქმეები. იყავით ყურადღებიანი იმის მიმართ, რაც ხდება და მოუსმინეთ რას გეუბნებათ ხალხი. იყავით ფხიზლად და მოერიდეთ კონფლიქტს. გამოიჩინეთ მოქნილობა და ორიგინალურობა ადამიანებთან ურთიერთობისას. სამსახურში გამოავლინეთ თქვენი საუკეთესო მხარე. ზედმეტი აქტიურობა შედეგს არ მოიტანს. არ აიღოთ ზედმეტი სამუშაო და რთული პროექტები. ხორცზე უარის თქმა ჯობია. გამოიყენეთ მცენარეული ზეთი. ალკოჰოლური სასმელები უნდა გამოირიცხოს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რა ელოდება მსმენელს 21 აგვისტოს "ბლექ სი არენაზე" - ნინო ქათამაძე გრანდიოზული კონცერტის გეგმებზე საუბრობს
02:55 / 24-06-2017
21 აგვისტოს ნინო ქათამაძე ჯგუფ Insight-თან ერთად "ბლექ სი არენას" სცენაზე ათასობით მსმენელის წინაშე სოლო კონცერტით წარსდგება. მომღერალი დაბადების დღეს სცენაზე ათასობით მაყურებელთან ერთად აღნიშნავს. მასშტაბური ღონისძიება "Happy Birthday" პროექტ Check in Georgia-ს ფარგლებში გაიმართება.
ნინო ქათამაძესთან ერთად, "ბლექ სი არენას" სცენაზე სხვადასხვა კომპოზიციას შეასრულებენ ჯგუფი Insight ეროვნული სიმფონიური ორკესტრი ნიკოლოზ რაჭველის ხელმძღვანელობით, სამების ტაძრის საპატრიარქო გუნდი, ჯგუფი The Quintessence, სპეციალური მოწვევით კი DJ Paul Trouble Anderson.
პროექტი, რომელიც სწორედ ამ არენისთვის შეიქმნა უნიკალურია და პირველად ამ სცენაზე გაიმართება. მუსიკალური სიახლეები და არტ ექსპერიმენტები კონცერტს მსმენელისთვის დაუვიწყარს გახდის. Ambebi.geმომღერალ ნინო ქათამაძეს ესაუბრა:
"ბლექ სი სივრცე" საშუალებას იძლევა ყველანაირი სიგიჟე ჩაიდინო სცენაზე, ეს კი უფრო მომხიბვლელია განსაკუთრებით დაბადების დღეს. მეყოლება უამრავი სტუმარი და ეს არის ჩემთვის უფრო მეტი მოტივაცია, რომ უფრო მეტი სიახლე შევთავაზოთ მსმენელს. შარშან ვერ შედგა კოლაბორაცია DJ-სთან ერთად ტექნიკური მიზეზების გამო, წელს კი გვინდა რითმული ხაზისა და ხმის შერწყმა ძალიან საინტერესოდ გამოვიდეს. მინდა რომ ეს იყოს საცეკვაოც და სასიამოვნო მოსასმენიც. "ბლექ სი არენას" უზარმაზარ სივრცეს სჭირდება განსხვავებული ფორმით გამოყენება. კიდევ ერთი სიახლეა ის, რომ გვექნება ჩვენი კლიპის პრეზენტაცია, სიმღერას კი ლაივში შევასრულებთ, ეს სიმღერა ალბომ yellow-ში შედის".
როგორც "ბლექ სი არენას"დირექტორმა ანი კავლელიშვილმა განაცხადა, ნინო ქათამაძის კონცერტი მნიშვნელოვანია ქვეყანაში და რეგიონში ტურისტების მოსაზიდად. კავლელიშვილის თქმით, ამ კონცერტში არ არის კომერციული ინტერესი, რადგან მომღერლის თხოვნით, ბილეთები ყველასთვის საკმაოდ ხელმისაწვდომია. ნინო ქათამაძის დიდი სურვილია, რომ კონცერტს რეგიონში მცხოვრები ახალგაზრდები თუ მუსიკის მოყვარულები დაესწრნონ.
ნიკოლოზ რაჭველი, ეროვნული სიმფონიური ორკესტრის ხელმძღვანელი:
"ნინო, რა თქმა უნდა, ყველგან ნინო ქათამაძეა, მაგრამ როდესაც თავს იყრის ასეთი მრავალრიცხოვანი პუბლიკა, სცენისკენ დიდი ენერგია მოდის და ამ დროს კიდევ რაღაც განსაკურებული იბადება. სწორედ ამ განსაკუთრებულის დაბადების მოლოდინში ვართ. ასეთი მასშტაბის დახურული კონცერტი ნინოს თავის ქვეყანაში არ ჰქონია და ვფიქრობ, რომ ყველა ვინც კონცერტს დაესწრება, მათთვის ეს გამორჩეული და დაუვიწყარი საღამო იქნება. რაც შეეხება მუსიკალურ ნაწილს, ჩვენ გვაქვს ურიცხვი რეპერტუარი. საქართველოს ეროვნული ორკერსტი და მე ნინოს ჯერ კიდევ ორი ალბომით ადრე შევუერთდით. ამ რეპერტუარიდან კი ვაპირებთ ყველაზე შთამბეჭდავი ნაწარმოებები შევასრულოთ.
წარმოიდგინეთ, ერთ სცენაზე უყურებთ მულტიჟანრულ ნინო ქათამაძეს, რომლის ჟანრის განსაზღვრა ჯერჯერობით ვერცერთმა მუსიკალურმა კრიტიკოსმა ვერ შეძლო, მასთან ერთად დაუკრავს სიმფონიური ორკესტრი, ასევე ყველაზე ძლიერი სასულიერო გუნდი, რომელიც სულიერებას ემსახურება და ეს სულიერება შეუერთდება ამ კონცერტს. ეს არის მომღერალი, რომელსაც არასოდეს არ უმღერია სხვა ენაზე, განსხვავებით სხვა ჩვენი მომღერლებისგან, რომლებმაც სხვადასხვა ქვეყანაში მოიპოვეს წარმატება. ის მღერის ქართულ და თავის მოგონილ ენაზე, რომელიც ჯერ არავინ არ იცის და ჩემთვის ძალიან საამაყოა.... როცა ვხედავ ნინოს სიმღერით ქართულ ენაზე ამღერებულ უცხოელებს".
შეგახსენებთ, რომ ბილეთების გაყიდვა უკვე დაწყეულია. კონცერტზე დასასწრები ბილეთები საკმაოდ ხელმისაწვდომია, ფასი 10 ლარიდან იწყება და 100 ლარამდეა.
ეკა გადახაბაძე
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ვიდეოკადრებს ავრცელებს პროკურატურა პოლიციელზე თავდასხმაში ბრალდებულ 19 წლის საბა ჯიქიასთან დაკავშირებით?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
