ქართულ ბაზარზე მალე მაყვლის ღვინო გამოჩნდება - 24 წლის სტუდენტის წამოწყება

სულ მალე ქართულ ბაზარზე, ტრადიციული ღვინის გვერდით, მაყვლის ღვინოც გამოჩნდება. ქართული თანამედროვე მეღვინეობის ისტორიაში ამ სიახლის დანერგვას 24 წლის მეწარმე და სტუდენტი გიორგი ლაცაბიძე გვპირდება. გიორგიმ, რომელიც თელავის აგრარული უნივერსიტეტის ბიოლოგიისა და აგრონომიის ფაკულტეტზე სწავლობს, საკუთარი ბიზნესი ჯერ კიდევ 19 წლის ასაკში დაიწყო.

თავდაპირველად ის მარწყვის სანერგე ჯიშებს ჰყიდდა, რასაც "სამმაგი გვირგვინის" ჯიშის უეკლო მაყვალის მოყვანაც დაემატა. გიორგის მიერ მოყვანილი მაყვალი საშუალოდ, 15-20 გრამს იწონის და ტყის ველური მაყვლისგან განსხვავებით, საოცრად არომატული და ტკბილია. წელს ახალგაზრდა მეწარმე 10 ტონა მაყვალს და 15 ტონა "სან ანდრეასის" მარწყვის მოსავალს ელოდება, თუმცა ის თავის მომხმარებელს მის მიერ გამრავლებული მაყვლისა და მარწყვის სანერგე ჯიშებსაც სთავაზობს.

ახალგაზრდა მეწარმე აპირებს გაზარდოს თავისი მეურნეობა და საკუთარი ნაწარმის ადგილობრივი ბაზრის გარდა, საერთაშორისო ბაზარზე გატანას გეგმავს. თუმცა მანამდე, გიორგი თავის მომხმარებელს მაყვლის ღვინის გამოშვებას ჰპირდება.

განაგრძეთ კითხვა